Ўзбекистон Республикаси Президенти Шавкат Мирзиёев 3 апрель куни ёшлар таълим-тарбияси учун қўшимча шароитлар яратиш, хотин-қизлар бандлигини оширишга қаратилган комплекс чора-тадбирларни ўз ичига олган 5 та ташаббусни амалиётга жорий этиш масалалари бўйича йиғилиш ўтказди.

Халқ таълими вазирлиги тизимининг икки нафар вакили Франция ҳукуматининг “Академик Палма” мукофоти кавалерларига айланди.

2019 йилнинг 3 апрель куни Ўзбекистон Республикаси Президентининг Маслаҳатчиси, Жаҳон иқтисодиёти ва дипломатия университети ректори Абдужаббор Абдувахитов ва Ташқи ишлар вазири Абдулазиз Камилов Москва давлат халқаро муносабатлар институтининг (МГИМО) проректори Артём Малигин бошчилигидаги делегация билан учрашдилар.

Таълим сифатини назорат қилиш давлат инспекцияси ва Таълим сифатини баҳолаш бўйича халқаро тадқиқотларни амалга ошириш миллий маркази томонидан “Халқаро баҳолаш дастурларида муваффақиятли иштирок этиш – таълим сифатини оширишнинг муҳим омили” мавзусидаги навбатдаги семинар Қорақалпоғистон Республикаси ва Хоразм вилоятида ташкил этилди. 

Ўзбекистон Республикаси Президенти Шавкат Мирзиёев ташаббуси билан мамлакатимиздаги мактабларга китоблар совға қилиш акцияси давом этмоқда.

Бугун Халқ таълими вазирлиги ҳамда Ўзбекистон Кўзи ожизлар жамияти Марказий бошқаруви ҳамкорлигида Тошкент шаҳридаги 77-сонли кўзи ожиз болалар учун ихтисослаштирилган мактаб-интернатида “Кўзи ожиз болаларни дарсликлар ва махсус ўқув жиҳозлари билан таъминлаш” мавзусида давра суҳбати ташкил этилди.

Халқаро рейтингларга киришнинг ўзига хос шартларидан бири хориждаги нуфузли ОТМлар билан академ мобиллик тизимини йўлга қўйишдир. Академ мобиллик мамлакатлараро талабалар алмашинуви дастури бўлиб, бунда бир нечта иқтидорли талабалар университетнинг хориждаги ҳамкор ОТМларига малака ошириш ва бир муддат таълим олиш учун юборилади.

Тошкент давлат агар университетида “Qr-book” тизимида ишловчи электрон китоб жавони стендлари жорий этилди. 

Тошкент давлат иқтисодиёти университети вакиллари жорий йилнинг 11-16 март кунлари Болгариянинг “Ангел Канчев” Русе университетида ERASMUS+ лойиҳаси доирасида ташкил этилган дастлабки учрашувда иштирок этдилар.

Мамлакатимизда Президент Ш.Мирзиёевнинг 2018 йил 5-сентябрдаги “Халқ таълими тизимига бошқарувнинг янги тамойилларини жорий этиш чора-тадбирлари тўғрисида”ги қарори ҳамда “Халқ таълимини бошқариш тизимини такомиллаштириш бўйича қўшимча чора-тадбирлари тўғрисида”ги фармони, шунингдек, халқ таълими тизимида ислоҳотларни янада жадаллаштириш, таълим сифатини оширишга қаратилган ”Йўл харитаси”да белгиланган вазифалар ижросини таъминлаш мақсадида кенг кўламли ислоҳотлар олиб борилмоқда.

Мамлакатимизга Туркиянинг Соғлиқ билимлари университети ректори, профессор Жевдет Эрдол бошчилигидаги делегация ташриф буюрди. Қайд этиш жоизки, 1903 йилда ташкил этилган мазкур университет Туркияда ягона ихтисослашган тиббиёт университети, шунингдек, Европанинг етакчи таълим муассасаларидан бири ҳисобланади.

Жорий йилнинг 28 март куни Вазирлар маҳкамаси ҳузуридаги Таълим сифатини назорат қилиш Давлат инспекцияси ҳамда UNICEF нинг Ўзбекистондаги ваколатхонаси билан “Барчага сифатли таълим” лойиҳасини амалга ошириш учун расмий келишув имзоланди. Ушбу лойиҳа 2 йил давомида амалга оширилиши режалаштирилган бўлиб, унинг асосий мақсади таълимни тўғри йўналтиришга тўсиқ бўлаётган кўплаб салбий омилларни бартараф этишга қаратилган.

Қорақалпоғистон Республикаси Жўқорғи Кенгеси раиси М.Ерниязов Кегейли туманидаги ўзи таҳсил олган 1-умумтаълим мактаби кутубхонасига ўз ҳисобидан қарийб 200 номдаги 500 донага яқин китоб совға қилди.

Инновацион ривожланиш вазири биринчи ўринбосари в.б. Шароф Ражаббаев Тошкент шаҳри Мирзо-Улуғбек туманидаги ўзи таълим олган 286-умумтаълим мактабининг кутубхонасига китоблар совға қилди.

Ўзбекистон Республикаси ахборот технологиялари ва коммуникацияларини ривожлантириш вазирлиги илғор халқаро тажрибалар асосида Рақамли технологиялар ўқув марказларини ташкил этишни давом эттирмоқда.

Жорий йилнинг 28 март куни Халқ таълими вазири Ш.Шерматов Бухоро вилояти, Қоракўл туманидаги 1-ИДУМИга ташриф буюрди. Ташриф давомида вазир таълим масканидаги ўқувчи ва ўқитувчилар билан учрашди.

Ўзбекистон давлат санъат ва маданият институти ректори, филология фанлари доктори, профессор Иброҳим Юлдашев ўзи таҳсил олган олий таълим даргоҳи кутубхонасига шахсий китоблари орасидан сараланган, соҳага доир ва бадиий адабиётлар жамланмасини совға қилди.

Ўзбекистон Республикаси қонун ҳужжатлари муҳокамаси порталига олий аттестация жараёнини такомиллаштириш билан боғлиқ ҳужжат лойиҳаси жойлаштирилди. Қарор лойиҳасига илм аҳли томонидан билдирилаётган фикр ва мулоҳазалар билан биргаликда белгиланган платформадан ташқарида - оммавий ахборот воситаларида ҳам кенг муҳокама қилинмоқда.

Жорий йилнинг 20 мартида Вазирлар Маҳкамаси томонидан “Муҳаммад Ризо Эрниёзбек ўғли Огаҳий таваллудининг 210 йиллигини нишонлаш ҳамда Хива шаҳрида Огаҳий ижод мактабини ташкил этиш тўғрисида” қарор қабул қилинган эди. Мазкур қарорга биноан 2019 йилнинг декабрь ойида Огаҳий таваллудининг 210 йиллиги мамлакат миқёсида кенг нишонланиши ва Огаҳий номидаги она тили ва адабиёт фанини чуқурлаштириб ўқитишга ҳамда хорижий тилларга ихтисослаштирилган мактаб-интернатининг ташкил этилиши белгиланди.

Ўзбекистон Республикаси инновацион ривожланиш вазири ўринбосари Азимжон Назаров бошчилигидаги ишчи гуруҳ вазирлик томонидан тақдим этилган лойиҳаларининг жорий этилишини ўрганиш, ҳудуднинг инновацион эко тизимини яратиш борасида таклифлар ишлаб чиқиш мақсадида Қорақалпоғистон Республикасига ташриф буюрди.