Ўзбекистон Республикаси Туризмни ривожлантириш давлат қўмитаси ташаббуси билан 25-26 сентябрь кунлари Навоий вилоятида Тадбиркорлик субъектлари ҳамда ОАВ вакиллари учун инфотур ташкил этилди. Ундан кўзланган асосий мақсад юртимиздаги етакчи туристик ташкилотлар ва ОАВ вакилларини Навоий вилоятининг туристик салоҳияти ҳамда инвестицион жозибадорлиги билан яқиндан таништиришдан иборатдир.

Президентнинг 2019 йил 19 сентябрдаги 5833-сонли Фармони билан Ўзбекистон Республикасига ташриф буюрувчи хорижий фуқароларнинг айрим гуруҳлари учун қўшимча (электрон бўлмаган) кириш визалари тоифаларини жорий этиш рўйхатига қўшимча киритилди.

19 сентябрь куни Ўзбекистон Республикаси Туризмни ривожлантириш давлат қўмитаси биносида хорижий инвестицияларни жалб қилиш бўлими вакиллари Малайзиянинг PacPlus Resources, Midlands Aviation Asia Pacific (M) Sdn.Bhd. ва Malaysia-Uzbekistan Chamber of Commerce компаниялари вакиллари билан учрашди.

Жорий йилнинг 18 сентябрь куни Инвестициялар ва ташқи савдо вазирлигида Франция ташқи ишлар вазирининг Марказий Осиёдаги иқтисодий дипломатия бўйича махсус вакили Паскал Лоро билан учрашув бўлиб ўтди. Учрашувда, шунингдек, Франциянинг Ўзбекистондаги янги тайинланган элчиси Изабель Сервоз-Галлуччи, шунингдек, элчихона ва вазирликнинг масъул ходимлари иштирок этишди.

Самарқанддаги туманлардан бирида кенг кўламли туристик-рекреацион комплекс қурилиши бошланди. Қурилишнинг бошланишига 18 сентябрь куни расмий старт берилди, тадбирда Ўзбекистон Республикаси Бош вазирининг биринчи ўринбосари О.Раматов ҳамда Самарқанд вилояти ҳокими Э.Турдимов иштирок этишди.

Тошкент шаҳар ҳокими Франциянинг Европа ва ташқи ишлар вазирининг Марказий Осиёдаги иқтисодий дипломатия бўйича махсус вакили Паскал Лоро ва Франция элчиси Изабел Сервоз-Галлуччини қабул қилди.

Ўзбекистон ҳақида ноёб дастурлар тайёрлаш ҳамда уларни дунёнинг машҳур телеканалларида намойиш қилиш мақсадида «TopGear», «ВокругСвета», «NationalGeographic» каби таниқли телеканал ва кўрсатувлар вакилларини юртимизга жалб қилиш режалаштирилмоқда.

9-14 сентябрь кунлари Ўзбекистон Аэронавтика федерацияси, Меҳмонхоналар ассоциацияси, Гидлар уюшмаси, Гастрономик туризми ассоциацияси раҳбарлари ҳамда Туризмни ривожлантириш давлат қўмитаси вакилларидан иборат делегация Туркия Республикасига ташриф буюрди. Ташрифдан кўзланган мақсад – Ўзбекистон Республикаси Ҳукумати билан Туркия Республикаси Ҳукумати ўртасида туризм соҳасида ҳамкорлик тўғрисидаги битимга мувофиқ, туризм соҳасидаги жамоат ташкилотлари йўналишида ҳамкорликни мустаҳкамлаш, ўзаро тажриба алмашиш ва бу борада қатор келишувларга эришишдан иборат.

Ўзбекистон мустақиллигининг 28 йиллиги муносабати билан республикамизнинг вазирлик ва идоралари, давлат муассасалари ва ННТ вакиллари, кўзга кўринган маданият ва санъат арбобларидан иборат делегация Санкт-Петербургда бўлди.

Сўнгги икки йилда Ўзбекистон ва Хитой Халқ Республикасининг туризм соҳасидаги икки томонлама ҳамкорлик алоқалари сезиларли даражада фаоллашди. Минтақавий иқтисодий ҳамкорлик, мамлакатлар иқтисодий фаровонлигини рағбатлантириш, турли цивилизациялар ўртасида маданий алмушинув ва барча соҳалардаги алоқаларни мустаҳкамлаш ҳамда тинчлик ва барқарор тараққиётга доир янги механизмларни ишлаб чиқишга чорловчи “Бир камар – бир йўл” ташаббуси бунга яққол мисол бўла олади.

2019 йилнинг 10 сентябрь куни Грузия Ташқи ишлар вазири Давид Залкалиани бошчилигидаги делегация Тошкент шаҳрига келади.

Туризмни ривожлантириш давлат қўмитаси раиси в.в.б. Абдулазиз Аққулов Францияга ташрифи доирасида Horwath HTL (Hotel, Tourism and Leisure) компанияси бошқарувчи ҳамкори Филипп Дойзелет ва маслаҳатчиси Анастасия Боева билан учрашди. Ўзбекистоннинг Франциядаги элчихонаси кўмаги остида ташкил этилган учрашув Ўзбекистон туризм бозори таҳлилини амалга ошириш ҳамда меҳмонхоналар қуриш мавзусига бағишланди.

5 сентябрь куни Париж шаҳрида Ўзбекистон Республикасининг Франциядаги элчихонасида мамлакатимиз туризм салоҳиятига бағишланган бизнес форум ўтказилди. Бизнес-форум " MEDEF International" ассоциацияси билан ҳамкорликда ташкил этилди.

5 сентябрь куни Истанбул шаҳрида туризм саноатининг “Ислом ҳамкорлик ташкилотига аъзо давлатларда тиббиёт туризмини ривожлантириш истиқболлари” мавзусидаги VII форуми бўлиб ўтди. Тадбир Туркия Маданият ва Туризм вазирлиги томонидан ИҲТнинг Савдо-иқтисодий ҳамкорлик қўмитаси билан ҳамкорликда ташкил этилди.

Ўзбекистон Республикаси Туризмни ривожлантириш давлат қўмитаси раиси в.в.б. Абдулазиз Аққулов Париждаги Ўзбекистон элчихонасида Франция туроператорлар уюшмаси бош котиби Юрген Бахманн билан учрашди.

Ўзбекистон Республикаси Туризмни ривожлантириш давлат қўмитаси раиси в.в.б. Абдулазиз Аққулов Францияга ташрифи доирасида “Interface Tourism Group” президенти Гаел де Ла Порте ҳамда компанияни ривожлантириш бўйича директори Жули Жеффрой билан учрашди.