Innovatsion gʻoyalar haftaligi “InnoWeek-2018” da eng yaxshi innovatsion loyiha nominatsiyasida gʻolib boʻlgan “SMART CHAIN” kompaniyasi Oʻzbekistonda turizmni rivojlantirish va muzeylar faoliyatini yanada yaxshilash borasida innovatsion yondashuvlarni taklif etdi.

Poytaxtimizdagi DCM innovatsion klinikasida Innovatsion rivojlanish va Sogʻliqni saqlash vazirliklari tomonidan N.I.Pirogov nomidagi Rossiya milliy tadqiqot tibbiyot universiteti ilmiy-tadqiqot oftalmologiya markazi bilan hamkorlikda ilmiy-oʻquv seminari tashkil etildi. 

Startaplar ijtimoiy-iqtisodiy muhitning jadal rivojlanishida muhim ahamiyat kasb etadi. Startap bu yosh, innovatsion kompaniya boʻlib, uning asosida yangi gʻoya yoki texnologiya yotadi. Bunday kompaniyalarning muvaffaqiyatli rivojlanishi uchun ularni moddiy, infratuzilmaviy va tajriba jihatdan qoʻllab-quvvatlash lozim.

Oʻzbekiston Respublikasi Innovatsion rivojlanish vazirligi hamda “Kembridj Innovatsion parkining Xitoy Markazi”/“Cambridge Accelerate” oʻrtasida hamjihatlik toʻgʻrisida memorandum tuzildi. Memorandumni Innovatsion rivojlanish vaziri Ibrohim Abdurahmonov hamda “Cambridge Accelerate” muassisi va bosh direktori Jenni Vong imzoladilar.

Innovatsion rivojlanish vazirligi tomonidan taʼlim jarayoniga innovatsion metodikalarni joriy etish, oʻquv dasturlarini ishlab chiqarish bilan hamohangligini taʼminlash va professor-oʻqituvchilar malakasini oshirish maqsadida Toshkent Xalqaro Vestminster universitetida joriy yilning 29-oktyabr–2-noyabr kunlari Oliy taʼlim muassasalarining ilmiy-ishlar va innovatsiyalar boʻyicha prorektorlari va Oʻzbekiston Respublikasi Fanlar akademiyasi ilmiy-tadqiqot muassasalarining ilm-fan boʻyicha direktor oʻrinbosarlari uchun “Innovatsion menejment” oʻquv-trening malaka oshirish kurslari oʻtkazildi.

29-oktabr kuni Innovatsion rivojlanish vazirligi tomonidan tashkil etilgan “Innovatsion menejment” oʻquv treningi oʻz ishini boshladi. Toshkent Xalqaro Vestminster universitetida boʻlayotgan treningda oliy taʼlim muassasalarining ilmiy ishlar va innovatsiya masalalari boʻyicha prorektorlari, ilmiy-tadqiqot muassasalari direktor oʻrinbosarlari ishtirok etishmoqda. Tadbirni Innovatsion rivojlanish vaziri oʻrinbosarlari Azimjon Nazarov va Yoʻlbarsxon Mansurov ochib berdilar.

Poytaxtimizda Oʻzbekiston Respublikasi Innovatsion rivojlanish vazirligi tomonidan taʼlim jarayoniga innovatsion metodikalarni joriy etish, oʻquv dasturlarini ishlab chiqarish bilan hamohangligini taʼminlash maqsadida “Innovatsion menejment” oʻquv-seminari boshlandi.

“InnoWeek-2018” tadbiri doirasida mamlakatimizdagi 12 eng yaxshi startaplar Isroilda boʻladigan tadbirda Oʻzbekistonni taqdim etish huquqi uchun musobaqalashdi. Oʻzbekistondagi musobaqa gʻolibi 2-7 dekabr kunlari Isroildagi tadbirda ishtirok etish uchun ushbu mamlakatga boradi. 

“Oʻzekspomarkaz”da Oʻzbekiston Respublikasi Innovatsion rivojlanish vazirligi tashkil etgan “INNOWEEK” – innovatsion gʻoyalar haftaligi boshlandi. 

Poytaxtimizdagi “Oʻzekspomarkaz”da xorijiy ilmiy-innovatsion markazlar, investitsion fondlar, texnologik agentliklar, texnoparklar va biznes inkubatorlarning faol ishtirokida Oʻzbekiston Respublikasi Innovatsion rivojlanish vazirligi tomonidan tashkil etilgan “INNOWEEK” innovatsion gʻoyalar haftaligi boshlandi. 

2018 yil 22 oktyabr kuni “INNOWEEK” innovatsion gʻoyalar haftaligi yuzasidan Oʻzbekiston Respublikasi Innovatsion rivojlanish vaziri oʻrinbosarlari, mahalliy va xalqaro jurnalistlar ishtirokida Yoshlar press klubida press brifing boʻlib oʻtdi. 

Oʻzbekiston Respublikasi Innovatsion rivojlanish vazirligijoriy yilning 22–26 oktyabr kunlari milliy koʻrgazmalar kompleksi “UzEkspoMarkaz”da chet el ilmiy-innovatsion markazlari, investitsion jamgʻarmalari, texnologik agentliklari, texnoparklari va biznes inkubatorlarining faol ishtirokida “INNOWEEK” innovatsion gʻoyalar haftaligini tashkil etmoqda.

Ayni kunlarda Samarqandda boʻlib oʻtayotgan “Orol dengizi basseynida turgʻun boshqaruv va ijtimoiy barqarorlikni ilgari surish uchun innovatsion yondoshuvlar” mavzusidagi Xalqaro forumining ilk kuni oʻz ishini boshladi. 

2018-yilning 12-oktabr kuni Toshkentda Innovatsion rivojlanish vazirligi hamkorligida DM Innovatsion klinikasi ochilishi boʻlib oʻtdi. Ochilish marosimida Innovatsion rivojlanish vaziri Ibrohim Abdurahmonov, innovatsion klinikaning asoschisi Oʻzbekiston Respublikasida xizmat koʻrsatgan sogʻliqni saqlash xodimi, tibbiyot fanlari nomzodi ZulfiyaMaqsudova, sogʻliqni saqlash vaziri oʻrinbosari Ilmira Bositxonova hamda Oʻzbekiston Savdo-sanoat palatasi raisi AdhamIkromov soʻzga chiqdilar.

Allergologiya boʻyicha oʻzbekistonlik bir guruh mutaxassislar Xalqaro molekulyar allergologiya va immunologiya tarmoq universiteti(INUNIMAI)ning klinik va ilmiy bazasi boʻlgan Kiyevdagi Ukraina molekulyar allergologiya va immunologiya maktabida malakalarini oshirdilar.

Innovatsion rivojlanish vaziri oʻrinbosari Yulbarsxon Mansurov Fudan universiteti professori Dong Jing-Cheng, Oʻzbek-Xitoy savdo uyushmasi Boshqaruv kengashi raisi Chang King xonim hamda mazkur uyushma maslahatchisi Qodir Yusupov bilan uchrashdi.

Oʻzbekiston Respublikasi Innovatsion rivojlanish vazirligining “Ilm-fan va innovatsion rivojlanish” nomli ilmiy jurnali chop etila boshladi.