Mamlakatimizda joriy yilning mart oyi boshida qizlarning har tomonlama salohiyatini oshirish va ularni texnologiya sohasiga jalb etish maqsadida DigiGirlz High Tech Camp Uzbekistan taʼlim dasturi oʻtkaziladi.

15-fevral kuni Oʻzbekiston Respublikasi Innovatsion rivojlanish vazirligi hamda BMT taraqqiyot dasturining Innovatsiya va boshqaruv yechimlari laboratoriyasida koʻchmas mulkni roʻyxatdan oʻtkazish va attestatlarni tekshirish boʻyicha xizmatlar transformatsiyasi misolida davlat xizmatlarini koʻrsatish sohasiga blokcheyn texnologiyasini joriy etish imkoniyatlari borasida davra suhbati boʻlib oʻtdi.

11-fevral kuni Innovatsion rivojlanish vazirligida Kanadaning “Blockfusion” kompaniyasining rahbarlari Aleks Martini-Lo Manto, Jordan Oksley, Kant Trivedi bilan uchrashuv boʻldi. Mehmonlarni Innovatsion rivojlanish vazirining birinchi oʻrinbosari v.b. Sharof Rajabboyev qabul qildi.

30 yanvar kuni oliy taʼlim muassasalarining ilmiy ishlar va innovatsiyalar boʻyicha prorektorlari hamda Fanlar akademiyasi ilmiy-tadqiqot muassasalarining ilm-fan boʻyicha direktor oʻrinbosarlari ishtirokida yigʻilish boʻlib oʻtdi.

Joriy yilning 29 yanvarida “Barkamol avlod” Respublika bolalar oʻlkashunoslik va ekologiya markazida “RoboCraft” maxsus kurslarining taqdimoti boʻlib oʻtdi. Tadbirda Xalq taʼlimi vazirligi Int Tech korxonasi bilan hamkorligida tashkil etilgan maxsus kurs imkoniyatlari borasida ishtirokchilarga batafsil maʼlumot berildi.

Poytaxtimizdagi “Hyatt Regency” mehmonxonasida oʻtkazilgan uchrashuv “Smart Grid + Wi-Fi 2.0” texnologiyasi va boshqa istiqbolli loyihalar muhokamasiga bagʻishlandi. 

Oliy va oʻrta maxsus taʼlim vazirligi Oʻzbekiston Respublikasi Prezidenti huzuridagi Davlat Boshqaruv Akademiyasi hamda Britaniya Kengashining Oʻzbekistondagi vakolatxonasi bilan hamkorlikda Lester Universiteti (Buyuk Britaniya) professori Stiv Konvey ishtirokida seminar-trening tashkil etildi. 

Innovatsion rivojlanish vazirligi tashabbusi bilan qator vazirliklar va idoralar vakillari, Oʻzbekiston Respublikasi Oliy Majlisi deputatlari hamda Oʻzbekiston Respublikasi Prezidenti huzuridagi Orolboʻyi markazi mutaxassislaridan iborat Idoralararo ishchi guruhi oʻz faoliyatini boshladi.

Joriy yilning 17 yanvar kuni Innovatsion ishlanmalarni joriy etish ilmiy-amaliy markazi hamda Toshkent Politexnika muzeyi hamkorligida yoshlar oʻrtasida innovatsion texnologiyalarga boʻlgan qiziqishlarini qoʻllab quvvatlash,ularda ijodiy tafakkur va yaratuvchanlik qobiliyatini yanada rivojlantirish maqsadida tanlov tashkil qilindi.

Innovatsion rivojlanish vazirligi huzuridagi Ilgʻor texnologiyalar markazida joriy yilning 19-yanvar kuni Startup Mix #40 konferensiyasining birinchi kuni boʻlib oʻtdi.

Joriy yilning 20-yanvar kuni Toshkent shahridagi Inha universitetida “Startup Mix” startap va innovatsiyalar boʻyicha eng nufuzli biznes-anjuman boʻlib oʻtdi.

“Creative Spark” Buyuk Britaniya hamda Markaziy Osiyo (Oʻzbekiston, Qozo­gʻiston, Qirgʻiziston), Janubiy Kavkaz (Ozarbayjon, Armaniston, Gruziya) va Ukraina davlatlarining universitetlari, taʼlim muassasalari oʻrtasida faol tadbirkorlik sohalarini rivojlantirish boʻyicha xalqaro aloqalarni rivojlantirishga qaratilgan besh yillik dastur boʻlib, talabalarda faol tadbirkorlik va tashabbuskorlik koʻnikmalarini shakllantirgan holda, jamiyatda kreativ iqtisodiyotni rivojlantirishga hissa qoʻshishni asosiy maqsad qilib olgan.

Oʻzbekiston Respublikasi Prezidenti va Oʻzbekiston Respublikasi Madaniyat vazirligi tomonidan Respublikamiz muzeylarida innovatsion texnologiyalardan foydalanib marketing va targʻibot ishlarini jadallashtirish borasida topshiriqlar berilgan. Bu borada “Ichan-Qalʼa” davlat muzey qoʻriqxonasi “Qadim Xorazm tarixi” boʻlimida smart texnologiyalari, yaʼni audiogidlarning tizimi ishga tushirildi.

Innovatsion rivojlanish vazirligida Isroilning kompaniyasining ijrochi direktori Rotem Gans (Rotem Ganz) va Isroil Oʻzbek savdo palatasining Bosh direktori Sari Svi (Sari Zvi) bilan uchrashuv boʻlib oʻtdi. Mehmonlarni Innovatsion rivojlanish vaziri Ibrohim Abdurahmonov, vazir oʻrinbosari Yoʻlbarsxon Mansurov qabul qildi, yigʻilishda vazirlikning boshqa masʼul xodimlari ham ishtirok etdi.

Joriy yilning 17 yanvar kuni yoshlar oʻrtasida innovatsion texnologiyalarga boʻlgan qiziqishlarini qoʻllab quvvatlash, ularda ijodiy tafakkur va yaratuvchanlik qobiliyatini yanada rivojlantirish maqsadida Innovatsion ishlanmalarni joriy etish ilmiy-amaliy markazi hamda Toshkent Politexnika muzeyi xamkorligida tanlov boʻlib oʻtadi.

Toshkent davlat stomatologiya institutida “Tibbiyot oliy taʼlim muassasalarida mutaxassislar tayyorlash sifatini oshirish masalalariga innovatsion yondashuv” mavzuida oʻquv-amaliy anjuman boʻlib oʻtdi.