2018 yil 22 oktyabr kuni “INNOWEEK” innovatsion gʻoyalar haftaligi yuzasidan Oʻzbekiston Respublikasi Innovatsion rivojlanish vaziri oʻrinbosarlari, mahalliy va xalqaro jurnalistlar ishtirokida Yoshlar press klubida press brifing boʻlib oʻtdi. 

Tadbirda Innovatsion rivojlanish vazirining oʻrinbosarlari Azimjon Nazarov, Yulbarsxon Mansurov, Ilm-fan, taʼlim va ishlab chiqarishni integratsiya qilish boshqarma boshligʻi Olimjon Toʻychiyev, hamda Oʻzbekistonda Isroil davlatining elchisi Eduard Shapiro soʻzga chiqishdi. Jurnalistlar vazirlik tomonidan Toshkent shahridagi innovatsion infratuzilmalar boʻylab (Genomika va bioinformatika markazi, D.M.S. innovatsion klinikasi, Ilgʻor texnologiyalar markazi, “Avtosanoat” innovatsion markazi) ekskursiyaga yoʻl olishdi.