Toshkent farmatsevtika institutida ishga tushgan “Book café” oʻzbek va jahon adabiyotining eng sara asarlaridan namunalar, mutaxassislik boʻyicha ilmiy adabiyotlar, risolalar bilan jihozlangan boʻlib, talabalar bu yerda tamaddi qilish bilan birga sevgan kitoblarni mutolaa qilishlari ham mumkin. 

Samarqandga Vengriya davlatidan tarixchilar va venger milliy muzeyi xodimlaridan iborat delegatsiya tashrif buyurdi. Tashrif dasturi doirasida viloyat hokimligi turizmni rivojlantirish departamentida uchrashuv oʻtkazildi. 

Oʻzbekiston Respublikasi ichki ishlar organlari tizimida yurt tinchligini taʼminlash bilan bir qatorda sanʼatga mehr qoʻygan, isteʼdodli xodimlar juda koʻp. Oʻzbekiston Respublikasida xizmat koʻrsatgan artist, isteʼfodagi polkovnik Ikromjon Boʻronov ham ichki ishlar organlari faxriysi va elimiz suygan sanʼatkor sifatida yoshlar uchun ibrat boʻlgan haqiqiy vatanparvar va fidoyi insonlardan biridir.

Belarus poytaxti Minsk shahrida 26-xalqaro kitob koʻrgazmasi boʻlib oʻtdi. Unda dunyoning 36 mamlakatidan 150 dan ortiq nashriyot oʻz mahsulotlari bilan ishtirok etdi.

Joriy yilning 14-fevral kuni Oʻzbekiston Respublikasi Madaniyat vazirligida Madaniyat vaziri B.Sayfullayev va Koreya Respublikasi Madaniy meros Administratsiyasining delegatsiyasi oʻrtasida uchrashuv boʻlib oʻtdi.

Joriy yilning 12-fevral kuni Oʻzbekiston Respublikasi Madaniyat vaziri Baxtiyor Sayfullayev vazirlikning majlislar zalida Ixtisoslashtirilgan sanʼat va madaniyat maktablari, maktab-internatlari direktorlari bilan uchrashdi.

Oʻzbekiston Respublikasi Xalq taʼlimi vazirligi tomonidan 14 fevral — buyuk shoir, olim, davlat va jamoat arbobi Zahiriddin Muhammad Bobur tavalludining 536 yilligi munosabati bilan barcha taʼlim muassasalarda maʼnaviy-maʼrifiy tadbirlar tashkil etildi.

Poytaxtimizdagi “Turkiston“ saroyida gʻazal mulkining sultoni Alisher Navoiy hamda shoir va davlat arbobi Zahiriddin Muhammad Bobur tavallud kuniga bagʻishlab konsert dasturi boʻlib oʻtdi.

Bugun davlat arbobi, shoir Zahiriddin Muhammad Bobur tavallud topgan kun. Toshkent davlat iqtisodiyot universitetida Oʻzbekiston yoshlar ittifoqi Markaziy Kengashi, Oliy va oʻrta maxsus taʼlim vazirligi, Vazirlik huzuridagi “Maʼnaviyat va maʼrifat” markazi hamda “Oʻzbekkonsert” davlat muassasasi koʻmagida Bobur tavalludining 536 yilligi munosabati bilan #BoburDay sayli bayram aksiyasi oʻtkazilmoqda.

Oʻzbekiston davlat sanʼat muzeyida “Sirli avangard“ deya nomlangan koʻrgazma ochildi. Muzey tashkil etilganining 100 yilligiga bagʻishlab oʻtkazilayotgan koʻrgazmada Rossiya va Markaziy Osiyo avangard ijodkorlarining 120 dan ortiq asari namoyish etilmoqda.

Alisher Navoiyning bitmas-tuganmas, barhayot ijodi insoniyatga ibrat boʻlishga arzigulik merosdir. Shoir nomi bilan ataluvchi Toshkent davlat oʻzbek tili va adabiyoti universitetida tashkil etilgan “Alisher Navoiy va XXI asr“ mavzuidagi xalqaro konferensiyada bu jihatlar yana bir karra oʻzining yorqin ifodasini topdi.

Xalqaro baxshichilik sanʼati festivali tanlovi va ilmiy-amaliy anjumanida ishtirok etish istagini bildirgan mahalliy va xorijiy ishtirokchilarni saralash boʻyicha komissiya oʻz ish faoliyatini davom ettirmoqda.

Oʻzbekiston Respublikasi Vazirlar Mahkamasi huzuridagi Millatlararo munosabatlar va xorijiy mamlakatlar bilan doʻstlik aloqalari qoʻmitasida 8 fevral kuni “Oʻzbekiston – Germaniya madaniy-gumanitar hamkorligining dolzarb masalalari” mavzusida davra suhbati tashkil etildi.

Turizmni rivojlantirish Davlat qoʻmitasi hamda Qashqadaryo viloyati hokimligi hamkorligida Shahrisabz shahriga infotur tashkil etildi. 

2019-yil 9-fevral kuni Oʻzbek Milliy Akademik drama teatri jamoasi Alisher Navoiy tavalludiga bagʻishlangan katta tadbirda ishtirok etdi. Mazkur tadbir Alisher Navoiy haykali oldida boʻlib oʻtdi.

Prezidentimizning 2018 yil 1 noyabrdagi “Xalqaro hunarmandchilik festivalini oʻtkazish toʻgʻrisida“gi qaroriga muvofiq, Oʻzbekiston Respublikasi Madaniyat vazirligi, Turizmni rivojlantirish davlat qoʻmitasi, Savdo-sanoat palatasi, “Hunarmand” uyushmasi, Oʻzbekiston Badiiy akademiyasi hamda Fargʻona viloyati hokimligi tomonidan har ikki yilda bir marta Qoʻqon shahrida Xalqaro hunarmandchilik festivali oʻtkaziladi.

Oʻzbekiston Respublikasi Prezidentining qarori

Joriy yilning 5-fevral kuni Oʻzbekiston Respublikasi Madaniyat vaziri B.Sayfullayev Toshkent shahrining Yakkasaroy tumaniga tashrif buyurdi.