2019-yil 9-fevral kuni Oʻzbek Milliy Akademik drama teatri jamoasi Alisher Navoiy tavalludiga bagʻishlangan katta tadbirda ishtirok etdi. Mazkur tadbir Alisher Navoiy haykali oldida boʻlib oʻtdi.

Tadbirda Qozogʻiston, Tojikiston, Afgʻoniston va Amerika Qoʻshma shtatlari vakillari soʻzga chiqdi va Mir Alisher Navoiyni mutafakkir shoirligi, davlat arbobi ekanligi haqida juda iliq fikrlar aytishdi.

Oʻzbek Milliy Akademik drama teatri A.Navoiy haykali poyiga gullar qoʻyib xotirlashdi. Ushbu tadbir Oʻzbekiston Respublikasi madaniyat vazirligi tomonidan uyushtirildi va tadbirga Oʻzbekiston Respublikasi Prezident maslahatchisi Xayritdin Sultonov , Oʻzbekiston Respublikasi madaniyat vaziri oʻrinbosari, Oʻzbekiston xalq artisti Ozodbek Nazarbekovlar tashrif buyurishdi. Tadbir juda aʼlo darajada oʻtdi.

A.Navoiyni xotirlab yuzlab talabalar, oʻquvchilar, koʻplab shoirlar, yozuvchilar, davlat arboblari, aktyorlar, Navoiyshunoslar va barcha ijodkorlar mazkur tadbirda ishtirok etib, A.Navoiyni xotirlashdi.