O`zbekiston Respublikasi
Hukumat portali
Madaniy hamkorlikning yangi istiqbollari
2019-02-15 | Madaniyat
Joriy yilning 14-fevral kuni Oʻzbekiston Respublikasi Madaniyat vazirligida Madaniyat vaziri B.Sayfullayev va Koreya Respublikasi Madaniy meros Administratsiyasining delegatsiyasi oʻrtasida uchrashuv boʻlib oʻtdi.
Uchrashuv davomida Samarqand davlat muzey qoʻriqxonasi laboratoriyasining texnik bazasini takomillashtirish, Afrosiyob muzeyida joylashgan freskalarni oynali vosita bilan jihozlash boʻyicha muzokaralar olib borildi.
Oʻzbekiston Respublikasi Madaniyat vazirligi va Koreya Respublikasi Madaniy meros Administratsiyasining delegatsiyasi oʻrtasida Anglashuv memorandumi imzolash, muzey xodimlari oʻrtasida tajriba almashish, hamkorlikda seminarlar tashkil etish masalalari muhokama etildi.