Toshkent farmatsevtika institutida ishga tushgan “Book café” oʻzbek va jahon adabiyotining eng sara asarlaridan namunalar, mutaxassislik boʻyicha ilmiy adabiyotlar, risolalar bilan jihozlangan boʻlib, talabalar bu yerda tamaddi qilish bilan birga sevgan kitoblarni mutolaa qilishlari ham mumkin. 

Talabalar oʻzlariga zarur boʻlgan kitoblarni Internet tarmogʻi orqali topib, undan foydalanishlari uchun “Book café”da bepul wi-fi tarmogʻi ham oʻrnatilgan. Bunday qulaylik yoshlarni qiziqtirishi tabiiy. 

Institut rektori “Book café” faoliyati talabalarning oʻzlari jamoatchilik nazoratini olib borishi, yoshlarning talab va takliflari asosida maskan faoliyati takomillashtirib borilishini taʼkidladi. Shuningdek, talabalar-yoshlarning yaratilgan bu kabi imkoniyatdan qay darajada oqilona foydalanishi ham monitoring qilinishini maʼlum qildi.