Британиянинг Acumen Education компанияси MBU Capital инвестиция компанияси билан ҳамкорликда Ўзбекистонда ҳамёнбоп хусусий мактаблар тармоғини яратишни режалаштирмоқда.

Андижон давлат университетида Европа Иттифоқи «Erasmus+» дастурининг «RENES: Қайта тикланувчи энергия манбалари ва барқарор атроф - муҳит» мутахассислиги бўйича магистрлар дастурини ривожлантириш» мавзусидаги қўшма лойиҳаси доирасида Қайта тикланувчи энергия манбалари лабораторияси очилди.

Мактабгача таълим соҳаси учун илмий педагогик кадрлар тайёрлаш мақсадида 13.00.08 – “Мактабгача таълим ва тарбия назарияси ва методикаси” ихтисослиги бўйича педагогика фанлари бўйича фалсафа доктори (PhD) илмий даражасини берувчи илмий кенгаш ўз ишини бошлади.

Корея Республикасининг JEI университети президенти Ли Жи Ву бошчилигидаги делегация Фарғона вилоятида бўлиб, олий таълим соҳасида ҳамкорликни йўлга қўйиш борасида музокаралар олиб борди. 

Ўзбекистон Республикаси Халқ таълими вазирлиги томонидан “Халқ таълими тизимидаги оммавий ахборот воситалари ролини янада ошириш тўғрисида” Ўзбекистон Республикаси Вазирлар Маҳкамаси қарори лойиҳаси тайёрланди ва муҳокама учун омма эътиборига ҳавола этилди.

Жорий йилнинг 18 январь куни Ўзбекистон Халқ таълими вазирлиги раҳбарияти томонидан нодавлат таълим муассасалари вакиллари билан учрашув ташкил этилди. Тадбирда Халқ таълими вазири Шерзод Шерматов, вазир ўринбосари Сарвар Бабаходжаев, Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси вакили Сардор Махсудов ҳамда Ўзбекистон нодавлат таълим муассасалари ассоциацияси аъзолари иштирок этишди.

Ўзбекистон Республикаси Президенти Шавкат Мирзиёевнинг 11 январь куни Самарқанд вилоятига ташрифи давомида Бош вазир ўринбосари, туризм, таълим, соғлиқни сақлаш, жисмоний тарбия ва спорт масалалари комплекси раҳбари Азиз Абдуҳакимовни «Ипак йўли» туризм халқаро университети ректори этиб тайинлаганди.

Халқ таълими вазирлиги ҳамда ЮНЕСКО ташкилоти мамлакатимиз мактабларида буллингни олдини олиш қўшма лойиҳаси бўйича ҳамкорлик алоқаларини йўлга қўйди.

Фарғона вилояти Қувасой шаҳар, Навоий кўчаси 3-уйда жойлашган "Кўзмунчоқ" нодавлат мактабгача таълим муассасаси фаолияти Таълим сифатини назорат қилиш давлат инспекцияси, Мактабгача таълим вазирлиги ва инспекциянинг Фарғона вилояти ҳудудий бўлими томонидан 2019 йилнинг 17 январь куни ўрганилди.

Жорий йилнинг 17 январь куни Инновацион ишланмаларни жорий этиш илмий-амалий маркази ҳамда Тошкент Политехника музейи ҳамкорлигида ёшлар ўртасида инновацион технологияларга бўлган қизиқишларини қўллаб қувватлаш,уларда ижодий тафаккур ва яратувчанлик қобилиятини янада ривожлантириш мақсадида танлов ташкил қилинди. 

2019 йил январидан Ўзбекистоннинг мактабгача таълим муассасалари пуллик хизматлар кўрсатиш ҳуқуқига эга бўлдилар.Энди давлат МТМлари ота –оналарга қулай шаклда ишлай бошлайди.

Лиссабон университети қошидаги олий иқтисодиёт ва менежмент мактаби профессори Жорж Филип да Силва Гомес 16-17 январь кунлари Қарши давлат университети Тарих ва ижтимоий фанлар факультети 4-курс талабаларига маъруза машғулотларини ўтказди.

Жиззах вилояти делегациясининг Францияга бўлаётган ташрифи давомида Франциянинг мувофиқлаштирилган таълим соҳасидаги Олий миллий таълим ва тадқиқот институтининг директори (INSHEA) Жозе Пьюго билан учрашуви ўтказилди.

17 январь куни Бухоро шаҳридаги 4-сон немис тили фанига ихтисослаштирилган давлат умумтаълим мактабига немис шоири, файласуфи, санъатшунос ва драматург, тарих фанлари профессори ҳамда ҳарбий шифокор Иоганн Кристоф Фридрих фон Шиллер номи берилди.

Олий ва ўрта махсус таълим вазирлигида АҚШнинг Миссисипи штати университети Халқаро институтининг ижрочи директори Жули Жордон бошчилигидаги делегация қабул қилинди.

Ўзбекистонда мавжуд 10 мингга яқин мактабларнинг энг яхшилари рейтинги аниқланади. Рейтинг натижалари 1 февралгача эълон қилиниши мўлжалланган.

Жорий йилнинг 16 январь куни Самарқанд шаҳридаги 51-сонли немис тилига ихтисослаштирилган давлат умумтаълим мактабига немис файласуфи, тилшунослик фанининг асосчиларидан бири, Пруссияда гимназия таълимининг ислоҳотларини амалга оширган давлат арбоби, дипломат Вильгельм фон Гумбольдт номи берилишига бағишланган тантанали маросим бўлиб ўтди.

Шартномага кўра илмий-тадқиқот, ўқув дастурларини ишлаб чиқиш, мутахассислар тайёрлаш ва уларнинг малакасини ошириш соҳаларида яқиндан ҳамкорлик қилинади.​

Олий ва ўрта махсус таълим вазирлиги берган маълумотга кўра, 2019 йил учун таянч докторантлар ўртасида Ўзбекистон Республикаси Президенти Давлат стипендияси ғолиблари аниқланди.

Яқин вақт ичида Тошкент давлат шарқшунослик институтида турк тилини ўқитиш учун туркиялик профессорлар жалб қилинади.