Жорий йилнинг 17 январь куни Инновацион ишланмаларни жорий этиш илмий-амалий маркази ҳамда Тошкент Политехника музейи ҳамкорлигида ёшлар ўртасида инновацион технологияларга бўлган қизиқишларини қўллаб қувватлаш,уларда ижодий тафаккур ва яратувчанлик қобилиятини янада ривожлантириш мақсадида танлов ташкил қилинди. 

Танловда 70 дан ортиқ иштирокчи 100 дан ортиқ лойиҳалари билан қатнашишди. Тақдим этилган лойиҳа ва инновацион ишланмалар ҳакамлар ҳайъати томонидан баҳоланди. Ғолиб бўлган лойиҳа муаллифлари “Uzeltexsanoat” акциядорлик компанияси томонидан эсдалик совғалар билан тақдирланишди. Ундан ташқари Тошкент шаҳридаги Турин Политехника Университети ғолиб ёшларга кириш имтиҳонлари учун имтиёзлар берувчи сертификат тақдим этди.

Манба: Ўзбекистон Республикаси Инновацион ривожланиш агентлиги