Alisher Navoiy nomidagi O‘zbekiston Milliy kutubxonasida 18-oktabr kuni “Islom hamjihatligi: O‘zbekiston va Ozarbayjon misolida” mavzuida xalqaro konferensiya bo‘lib o‘tdi.

Davlatimiz rahbarining 2017-yil 20-apreldagi “Oliy ta’lim tizimini yanada rivojlantirish chora-tadbirlari to‘g‘risida”gi qarorida yangi avlod o‘quv adabiyotlarini yaratishga alohida e’tibor qaratilgan.

Davlat va jamoat tashkilotlari vakillari ishtirok etgan tadbirda mamlakatimizda qonun ustuvorligini ta’minlash, inson manfaatlarini himoya qilish borasida amalga oshirilayotgan izchil ishlar yuksak samaralar berayotgani ta’kidlandi.

Qirg‘iz xalqining atoqli adibi Chingiz Aytmatov millionlab kitobxonlar qalbidan munosib joy olgan. Uning badiiy publitsistik va adabiy-tanqidiy maqolalari, roman va qissalarining g‘oyaviy badiiy mohiyati, dunyoda tinchlik, insoniy mehr-muhabbatni saqlash, ona zaminni asrashga da’vat etadi. 

Joriy yilning 16 oktyabr kuni Adliya vazirligida adliya vaziri o‘rinbosari A.Tashkulovning Koreya Respublikasining O‘zbekiston Respublikasidagi Favqulodda va Muxtor Elchisi Kvon Yon U bilan uchrashuvi bo‘lib o‘tdi.

Toshkent davlat yuridik universitetida O‘zbekiston «Adolat» sotsial-demokratik partiyasi va partiyaning Oliy Majlis Qonunchilik palatasidagi fraksiyasi tomonidan Sog‘liqni saqlash vazirligi hamda Respublika Xotin-qizlar qo‘mitasi bilan hamkorlikda «Odam a’zolari va to‘qimalarini transplantatsiya qilish to‘g‘risida»gi qonun loyihasi muhokamasiga bag‘ishlangan tadbir bo‘lib o‘tdi.

O‘zbekiston davlat konservatoriyasida O‘zbekiston Respublikasi Madaniyat vazirligi tomonidan ilmiy-amaliy konferensiya o‘tkazildi.

Jizzaxda Prezidentimiz farmoniga muvofiq O‘zbekiston Respublikasi fuqaroligiga qabul qilingan 21 kishiga fuqarolik pasporti tantanali ravishda topshirildi.

Ajdodlarning ma’rifat xazinasi – qimmatli kitoblar bugun ham odob va ezgulikdan saboq berib, hayot yo‘llarimizni nurafshon etmoqda. Barhayot asarlar keng tadqiq qilinib, qayta nashr etilayotgani avlodlarning beqiyos ehtiromi ifodasidir.

Xalq deputatlari Surxondaryo viloyati kengashining navbatdagi XXII sessiyasida Fuqarolarning kafolatlangan mehnat huquqlarini ta’minlash masalalari bo‘yicha hududiy komissiya tuzilib, uning tarkibi va tadbirlar majmui tasdiqlandi.

Shunday insonlar bo‘ladiki, ular qachon va qanday zamonda yashamasin, vatanparvarligi, fidoyiligi, el-yurt farovonligi yo‘lida amalga oshirgan ezgu ishlari bilan nafaqat zamondoshlari xotirasida yashaydi, balki keyingi avlodlar qalbida ham mangu qoladi. Mashhur davlat arbobi va taniqli yozuvchi Sharof Rashidov xalqimizning ana shunday ardoqli farzandlaridan biri edi.

Poytaxtimizdagi Milliy matbuot markazida O‘zbekiston iste’molchilar huquqlarini himoya qilish jamiyatlari federatsiyasi tomonidan xalq bilan muloqotning samarali mexanizmlari hamda sohada amalga oshirilayotgan ishlar yuzasidan matbuot anjumani o‘tkazildi.

Samarqandda O‘zbekiston Respublikasi fuqaroligiga qabul qilingan bir guruh yurtdoshlarimizga fuqarolik pasporti tantanali ravishda topshirildi.

Mamlakatimizda ko‘plab korxona va tashkilotlar xalqaro standartlar asosidagi sertifikatlarga muvofiq faoliyat ko‘rsatmoqda. Sifat boshqaruvining rivojlanib borayotgani mamlakatimizda ishlab chiqarilayotgan mahsulotlarning jahon bozoridagi raqobatbardoshligini ta’minlamoqda.

Prezidentimiz Shavkat Mirziyoyevning 2017-yil 27-martdagi “Atoqli davlat arbobi va yozuvchi Sharof Rashidov tavalludining 100 yilligini nishonlash to‘g‘risida”gi qarori ijrosi doirasida davlat va jamoat tashkilotlarida, ta’lim muassasalari va mahallalarda Sharof Rashidov tavalludining 100 yilligiga bag‘ishlangan ma’naviy-ma’rifiy tadbirlar, xotira kechalari bo‘lib o‘tmoqda. 

Alisher Navoiy nomidagi O‘zbekiston davlat akademik katta teatrida 13-oktyabr kuni Tojikiston madaniyati kunlarining tantanali yopilish marosimi bo‘lib o‘tdi.

Samarqandda O‘zbekiston Respublikasi va Koreya Respublikasi o‘rtasida diplomatik munosabatlar o‘rnatilganining 25 yilligi hamda koreys millatiga mansub yurtdoshlarimiz mamlakatimizda yashayotganining 80 yilligi munosabati bilan madaniy dastur namoyish etildi.

Unda Fuqarolik ishlari bo‘yicha Andijon, Namangan va Farg‘ona viloyatlaridagi tumanlararo sudlarning sudya va xodimlari, ekspertlar, jurnalistlar ishtirok etdi.

Prezidentimiz Shavkat Mirziyoyevning shu yil 12-iyul kuni Oliy Majlis palatalari, siyosiy partiyalar hamda O‘zbekiston Ekologik harakati vakillari bilan bo‘lgan videoselektor yig‘ilishidagi ma’ruzasida parlamentda qabul qilinayotgan har bir qonun loyihasi saylovchilar, partiyalar elektorati, turli tabaqa va guruhlarning manfaatlari nuqtai nazaridan atroflicha muhokama qilinishi, fraksiyalar ushbu masalalarda prinsipial pozitsiyasini namoyon etishi zarurligi yuzasidan vazifalar belgilangan edi.