Мамлакатимизда ёшларга берилаётган эътибор, уларга давлат томонидан кўрсатилаётган ғамхўрлик миқёси йилдан-йилга кенгайиб бормоқда. Ўтган йиллар давомида ёшларга оид ижтимоий муносабатларни тартибга солувчи қонунлар, Президентнинг фармон ва қарорлари, Вазирлар Маҳкамасининг тегишли меъёрий-ҳуқуқий ҳужжатлари қабул қилинди. Олий Мажлис томонидан болалар ва ёшлар ҳуқуқларига оид ўнга яқин халқаро шартнома ратификация қилинди.

Пойтахтимизда Халқ таълими вазирлиги ҳамда ЮНЕСКОнинг Ўзбекистондаги ваколатхонаси томонидан “Расмий ва норасмий таълим тизимларига номоддий маданий меросни татбиқ этиш” мавзусида 4 кунлик семинар-тренинг ташкил этилди.

Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигида Халқ таълими вазирлиги ҳамда Ёшлар иттифоқи ҳамкорлигида юртбошимизнинг 2019 йил 3 майдаги “Иқтидорли ёшларни аниқлаш ва юқори малакали кадрлар тайёрлашнинг узлуксиз тизимини ташкил этиш чора-тадбирлари тўғрисида”ги қарори мазмун-моҳияти ва ижроси юзасидан брифинг бўлиб ўтди.

Бугунги кунда ижтимоий тармоқларда ва мессенжерларда вояга етмаганларнинг йўқолиб қолгани, кўчада турли қийин вазиятларга тушгани ёки ўзи билмай жиноят иштирокчисига айлангани ҳақида хабарлар кўп тарқалмоқда.

“Ўзбекистонда ёшларга оид давлат сиёсатини амалга оширишдаги янгича ёндашувлар: дастлабки натижалар, долзарб муаммолар ва истиқболдаги вазифалар” мавзусида конференция ўтказилди.

18 июнь куни Ўзбекистон Республикаси Бош вазирининг ўринбосари, Хотин-қизлар қўмитаси раиси Танзила Нарбаева Германия Бундестаги вакилларини қабул қилди.

2018 йил 23 апрелда Ўзбекистон ёшлар иттифоқи Марказий Кенгаши ва Маҳтумқули номидаги Туркманистон ёшлар ташкилоти Марказий Кенгаши ўртасида англашув меморандуми имзоланганди.

Қирғизистоннинг Бишкек шаҳрида Шанхай ҳамкорлик ташкилотига аъзо мамлакатлар ўртасида Ёшлар кенгаши йиғилиши бўлиб ўтди. Унда Ўзбекистон ёшлар иттифоқи делегацияси ҳам қатнашди. Халқаро мулоқот майдонида ШҲТ Ёшлар кенгашининг 2018-2019 йиллар давомида амалга оширилган ишлар якуни бўйича маълумот берилиб, 2019-2020 йилларга мўлжалланган иш режаси тасдиқланди.

Россия миллий ядро тадқиқот институтининг “Москва инженерлик-физика институти” (МЯТИ МИФИ) шу йили ёзда Тошкентда очилиши кутилаётган филиалига биринчи абитуриентларни қабул қилишга тайёр.

Халқ таълими вазирлиги томонидан Президентимиз Ш.Мирзиёев илгари сурган 5 та ташаббус ижросини таъминлаш буйича кенг кўламли саъй-ҳаракатлар олиб борилмоқда. Хусусан, ўқувчиларнинг бўш вақтларини мазмунли ташкил этиш, улар ўртасида соғлом турмуш тарзини тарғиб қилиш, қалбида ватанпарварлик, эзгулик, инсонпарварлик сингари юксак инсоний фазилатларга нисбатан меҳр ва муҳаббат уйғотиш ҳамда китобхонлик маданиятини шакллантириш мақсадида турли кўрик-танлов, фестиваллар ўтказилиши режалаштирилди.

Жорий йилнинг 27 август куни Тошкентда Ўзбекистон “Миллий тикланиш” демократик партияси Марказий кенгаши, Ўзбекистон Республикаси Инновацион ривожланиш вазирлиги ва Туризмни ривожлантириш давлат қўмитаси ҳамкорлигида Ҳаракатлар стратегиясининг Ижтимоий соҳани ривожлантириш борасидаги вазифалари ижросини амалга оширишга қаратилган республика илмий-амалий конференцияси бўлиб ўтди.

Касбий таълим беришга ихтисослашган ўқув-ишлаб чиқариш мажмуаларини дарс жараёнида керакли хом-ашё материаллари билан таъминлаш меъёрлари Адлия вазирлигида давлат рўйхатидан ўтказилди. Мазкур меъёрлар вазирлик ва идоралар билан келишилган ҳолда Халқ таълими вазирлиги ҳамда Олий ва ўрта махсус таълим вазирлиги Касб-ҳунар таълими марказининг қўшма қарори билан тасдиқланди.

Ўзбекистон ёшлар иттифоқи муассислигида ташкил этилган Республика ёшлар маркази томонидан Меҳрибонлик уйлари, жазони ижро этиш муассасалари ҳамда ҳарбий қисмларда фаолият юритаётган тўгараклар аъзолари билан Наврўз байрами муносабати билан учрашувлар ўтказилмоқда.

19 март куни президент Шавкат Мирзиёев раислигида ўтган видеоселектор йиғилишида ёшлар маънавиятини юксалтириш, уларнинг бўш вақтини мазмунли ташкил этиш мақсадида китоб мутолаасига қизиқишини ошириш масаласи кенг муҳокама қилинган эди. Ш.Мирзиёев ўз нутқида, жумладан, шундай деди: “Бош вазирдан бошлаб, туманлар раҳбарлари, барча депутатлар, келинглар, ўзимиз ташаббус кўрсатайлик ва ўзимиз ўқиган тумандаги мактабларга 10-20 тадан китоб совға қилайлик. Ҳамма ҳам китоб ўқийвермайди, бироқ ёшларимизга улар керак”.

Тошкентда 12 март куни АҚШнинг “American University”олий таълим муассасасининг бир гуруҳ талабалари иштирокида “Ёшларнинг дипломатик алоқалар ва халқаро муносабатларда тутган ўрни” мавзусида конференция ташкил этилди.

Муҳаммад ал-Хоразмий номидаги Тошкент Ахборот технологиялари университетида Ўзбекистон Республикаси Ички ишлар вазирининг маслаҳатчиси генерал-полковник З. Алматов раҳбарлигидаги Ишчи гуруҳи аъзолари томонидан Муҳаммад ал-Хоразмий номидаги Тошкент Ахборот технологиялари университети талаба-ёшлари билан маънавий-маърифий ва тарбиявий-профилактик учрашув ўтказилди.

Халқ таълими вазирлиги ҳамда Ўзбекистон ёшлар иттифоқи, “Камалак“ болалар ташкилоти ҳамкорлигида ўтказиб келинаётган "Аъло таътил" дам олиш ва ижод оромгоҳининг II мавсуми эълон қилинди.

Наманган шаҳрида бўлажак ихтирочилар ўртасида “Келажак сари инновацион технологиялар билан!” фестиваль-танлов ўтказилди.

Жорий йилнинг 23 февраль куни Гулистон шаҳрида бўлиб ўтган яна бир тадбир бу замонавий “Ёшлар маркази” қурилишига тамал тоши қўйишга бағишланди. Тадбирда Ўзбекистон Республикаси Президенти давлат маслаҳатчисининг биринчи ўринбосари, Ўзбекистон ёшлар иттифоқи Марказий кенгаши раиси Қ. Қуронбоев, вилояти ҳокими Ғ. Мирзаев, нуроний фаоллар ҳамда фаол ёшлар иштирок этишди.

24 февраль куни Маданият вазиринг биринчи ўринбосари Озодбек Назарбеков Сирдарё вилоятида бўлди. Ташрифнинг асосий мақсади Ҳурматли Юртбошимизнинг Сирдарё вилоятига ташрифи давомида вилоятнинг ёшларига, айниқса ўқувчи ёшларга алоҳида эътибор бериш масалалари қўйилган эди.