Тайинлов. Вазирлар Маҳкамасининг 2021 йил 17 ноябрдаги қарорига кўра, Киргизбоев Абдугаппор Каримжонович Низомий номидаги Тошкент давлат педагогика университетининг ректори этиб тайинланди. Шу муносабат билан Киргизбоев Абдугаппор Каримжонович Ўзбекистон Республикаси Вазирлар Маҳкамасининг Давлат тилни ривожлантириш департаменти мудири лавозимидан озод этилди.

Шу муносабат билан ташкил этилган тантанали маросимда давлат ва жамоат ташкилотлари вакиллари, Президент мактаби педагоглари ва ўқувчилари, депутатлар, нуронийлар ва ўқувчиларнинг ота-оналари иштирок этмоқда.

IT Парк ҳамда Ўзбекистон Республикаси Ахборот технологиялари ва коммуникацияларини ривожлантириш вазирлиги кўмаги билан Тошкент ирригация ва қишлоқ хўжалигини механизациялаш институтининг Қарши филиалида янги инкубация маркази очилди.

Тошкент шаҳридаги Amity universiteti ҳудудида “BePro IT Academy” ва Тошкент шаҳридаги Амитй университети ҳамкорлигида жорий йилнинг 12-14 ноябр кунлари мобайнида ташаббускор ёшлар орасида “StudentHack 2021” хакатон мусобақаси бўлиб ўтди.

Тошкент шаҳридаги Инҳа университетида “Ахборот жамиятида рақамли трансформаторнинг халқаро ўлчови” мавзусида “Ўзбекистон-Украина 2021” халқаро IT-форуми бўлиб ўтди.

Тошкент давлат шарқшунослик университети проректори, хитойшунос Элёр Маҳмудов 11 ноябрь куни Қозон федераль университети томонидан ташкиллаштирилган “Россия-Хитой: тарих ва маданият” номли ХIV халқаро илмий-амалий конференциянинг очилишида иштирок этди.

2021 йилнинг 11 ноябрь куни Истанбул шаҳрида Ўзбекистон Республикаси Ташқи ишлар вазири Абдулазиз Камилов бошчилигидаги делегация Туркий тилли давлатлар ҳамкорлик кенгаши (ТТДҲК) Ташқи ишлар вазирлари кенгашининг навбатдаги йиғилишида иштирок этди.

Бугунги кунда юқори малакали кадрлар тайёрлаш ва уларни муносиб иш ўринлари билан таъминлаш масалаларига катта эътибор берилмоқда. Уларга жамиятда муносиб ўрин топишига кўмаклашиш ва ташаббус кўрсатиб меҳнат қилишини қўллаб-қувватлаш бўйича тизимли ишлар йўлга қўйилди. Шу билан бирга, самарали иқтисодий ислоҳотлар ҳамда интеллектуал салоҳият билан боғлиқ бўлган соҳалардаги бир қатор ижобий ўзгаришлар натижасида сезиларли муваффақиятларга эришилмоқда.

Халқаро олий таълим муассасалари билан талабалар ва профессорлар академик алмашинуви ҳамкорликнинг самарали усулларидан биридир.

Тошкент шаҳридаги Инҳа университети томонидан Юнусобод туманидаги 220 сонли ҳамда Учтепа туманидаги 193 сонли мактаб ўқитувчилари учун “Таълим тизимини рақамлаштириш” мавзусида уч ойлик малака ошириш курслари бошланди.

Навоий вилоятининг Зарафшон шаҳри, Учқудуқ ва Томди туманларида аҳоли ва юридик шахслар учун Ахборот технологиялари ва коммуникацияларини ривожлантириш вазирлиги Навоий вилояти ҳудудий бошқармаси томонидан сайёр қабуллар ўтказилди. Ушбу сайёр қабулларда 250 нафар  аҳоли ва юридик шахс вакиллари қатнашди.

Тошкент вилоятининг Янгийўл туманидаги Рақамли технологиялар ўқув марказида тиббиёт ходимларининг IT соҳасида малакасини ошириш йўлга қўйилди.

“Соғлиқни сақлаш соҳасини комплекс ривожлантиришга доир қўшимча чора-тадбирлар тўғрисида”ги қарорга мувофиқ, тиббиёт соҳасини рақамлаштириш ва давлат хусусий шерикчиликни ривожлантириш бўйича бир қатор муҳим вазифалар белгиланган. Унга кўра,  ҳар бир оилавий шифокор пункти, оилавий поликлиника ҳамда туман (шаҳар) кўп тармоқли марказий поликлиникасида электрон тизим билан ишлайдиган бир нафардан IT оператор – ҳамшира лавозими киритилган.

Халқ таълими вазирлиги томонидан “Илм - саодат калити” шиори остидаги “Қизларжон” республика саммити ўтказилди.

Бола камолотининг илк куртаклари нафақат оилада, балки мактабгача таълим ташкилотларида намоён бўлади. Ушбу ташкилотларда таълим-тарбиявий ишлар сифати ҳамда самарадорлиги, уларда яратилган замонавий имконият ва соғлом муҳит мурғак фарзандларимиз тақдирида ғоят муҳим ўрин эгаллайди. Шунинг учун ҳам мактабгача таълим ташкилотларида фаолият олиб бораётган педагогларнинг малакасини ошириб бориш муҳим ҳисобланади.

Ахборот технологиялари ва коммуникацияларини ривожлантириш вазирлиги Жиззах вилояти ҳудудий бошқармаси ҳамда Ўзбекистон ахборот технологиялари ва оммавий коммуникация ходимлари касаба уюшмаси ҳамкорлигида ёшларни кичик бизнес ва хусусий тадбиркорликка кенг жалб қилиш, келажакда муносиб иш жойини топишларига кўмаклашиш мақсадида Жиззах вилоятидаги соҳа корхоналарида ишловчи ёшлар IT -Парк Жиззах филиали ҳамда Жиззах  Эркин иқтисодий зонасида ташкил этилган оптик толали кабел ва бошқа кабел маҳсулотларини ишлаб чиқаришга мўлжалланган “Global Optical Communication Uzbekistan” МЧЖ ҚКлари фаолияти билан яқиндан танишдилар.

Фарғона вилояти Ўзбекистон туманидаги 65-ихтисослаштирилган давлат умумтаълим мактаб-интернати математика фани ўқитувчиси Исроилжон Тиллабоев Халқ таълими вазирлиги ҳузуридаги Республика таълим маркази директори ўринбосари лавозимига тайинланди.

Дунёдаги энг йирик нашриётлардан бири бўлган Elsevier ва Stendford университети дунёда энг салоҳиятли 100 мингта олимлар рўйхатини тақдим этди.