Oʻzbekiston Respublikasi Prezidenti va Oʻzbekiston Respublikasi Madaniyat vazirligi tomonidan Respublikamiz muzeylarida innovatsion texnologiyalardan foydalanib marketing va targʻibot ishlarini jadallashtirish borasida topshiriqlar berilgan. Bu borada “Ichan-Qalʼa” davlat muzey qoʻriqxonasi “Qadim Xorazm tarixi” boʻlimida smart texnologiyalari, yaʼni audiogidlarning tizimi ishga tushirildi.

Kuni kecha tashkilotimiz tomonidan taklif qilingan - oʻzini innovatsion texnologiyalari bilan Oʻzbekistonda ilk bora “qoʻshilgan reallik” va “jonlantirilgan tasvir” texnologiyalarini joriy qilgan“SmartChange” firmasi vakillari Xiva “Ichan-Qalʼa” muzey qoʻriqxonasi rahbariyati bilan innovatsion texnologiyalarni muzey faoliyatiga tadbiq qilish borasida yangi rejalarni muhokama qilishdi.

Kelgusida vohani turizm salohiyatini oshirish va muzey faoliyatini smart texnologiyalar bilan toʻldirish borasida muzey rahbariyati bilan 6 ta yoʻnalishda dastur ishlashga kelishib olindi. Bular smart texnologiyalari qoʻllanib ishlanadigan virtual muzey, “jonli” muzey katalogi, tarixiy majmualar xaritasi, muzeylarni bukletlari, muzey koʻrgazma zallarini “jonlantirish” dasturlarini oʻz ichiga oladi. Bu dasturlarni amalga oshirilishidan kelgusida sayyohlarni muzeylarga qiziqishini ortishi va xizmatlar sifatini koʻtarilishiga olib kelishi kutilyapti.