Joriy yilning 17 yanvar kuni Innovatsion ishlanmalarni joriy etish ilmiy-amaliy markazi hamda Toshkent Politexnika muzeyi hamkorligida yoshlar oʻrtasida innovatsion texnologiyalarga boʻlgan qiziqishlarini qoʻllab quvvatlash,ularda ijodiy tafakkur va yaratuvchanlik qobiliyatini yanada rivojlantirish maqsadida tanlov tashkil qilindi.

Tanlovda 70 dan ortiq ishtirokchi 100 dan ortiq loyihalari bilan qatnashishdi. Taqdim etilgan loyiha va innovatsion ishlanmalar hakamlar hayʼati tomonidan baholandi. Gʻolib boʻlgan loyiha mualliflari “Uzeltexsanoat” aksiyadorlik kompaniyasi tomonidan esdalik sovgʻalar bilan taqdirlanishdi. Undan tashqari Toshkent shahridagi Turin Politexnika Universiteti gʻolib yoshlarga kirish imtihonlari uchun imtiyozlar beruvchi sertifikat taqdim etdi.