Oʻzbekiston Respublikasi Innovatsion rivojlanish vazirligi, Energetika vazirligi va USAID agentligining “Kelajak energiyasi” bilan hamkorlikda olib borilayotgan “Oʻzgaruvchan qayta tiklanuvchi energiya manbalarining respublika energiya tizimiga taʼsirini oʻrganish” loyihasi doirasida xorijiy ekspertlar ishtirokida tadbir oʻtkazildi.

Toshkentda Turkmaniston Prezidentining O‘zbekiston Respublikasiga tashrifi arafasida O‘zbekiston-Turkmaniston iqtisodiy forumi bo‘lib o‘tdi.

O‘zbekiston Respublikasi Prezidenti Shavkat Mirziyoyev 4-oktabr kuni Amerika Qo‘shma Shtatlari Davlat kotibining birinchi o‘rinbosari Uendi Sherman boshchiligidagi delegatsiyani qabul qildi.

O‘zbekiston Respublikasi Bosh vazirining o‘rinbosari – investisiyalar va tashqi savdo vaziri S.Umurzakov hamda Osiyo taraqqiyot banki (OTB) vise-prezidenti Shiksin Chen o‘rtasida muzokaralar bo‘lib o‘tdi.

O‘zbekiston Respublikasi Prezidentining Afg‘oniston bo‘yicha maxsus vakili Ismatulla Irgashev Yevropa Ittifoqining Markaziy Osiyo bo‘yicha maxsus vakili Tera Hakala bilan uchrashdi.

O‘zbekiston Respublikasi Bosh vazirining o‘rinbosari – investitsiyalar va tashqi savdo vaziri S.Umurzoqov Jahon banki vise-prezidenti Anna B'erde bilan hamkorlikning bugungi holati va uni yanada chuqurlashtirishning istiqbollari yuzasidan muzokaralar olib bordi.

O‘zbekiston Respublikasi Tashqi ishlar vaziri Abdulaziz Kamilov Amerika Qo‘shma Shtatlari Davlat kotibining birinchi o‘rinbosari Uendi Sherman bilan uchrashuv o‘tkazdi. Suhbat chog‘ida O‘zbekiston-AQSh kun tartibining dolzarb masalalari muhokama qilindi. O‘zbekiston Tashqi ishlar vaziri Prezident Shavkat Mirziyoyev rahbarligida jamiyatning barcha sohalarida amalga oshirilayotgan keng ko‘lamli islohotlar haqida batafsil ma’lumot berdi.

Kredit mablag‘lari iqtisodiyotning barcha sohalariga, shu jumladan, meva-sabzavotchilik, chorvachilik, qishloq tadbirkorligi va boshqa yo‘nalishlarda barcha tadbirkorlar uchun ajratiladi.

O‘zbekiston Respublikasi Investisiyalar va tashqi savdo vazirligi hamda Yaponiya tashqi savdoni rivojlantirish tashkiloti (JETRO) o‘rtasida tuzilgan hamkorlik to‘g‘risida bitim doirasida Yaponiyaning kichik va o‘rta biznes vakillari uchun navbatdagi vebinar o‘tkazildi.

Oliy Majlis Senatining oʻn toʻqqizinchi yalpi majlisida Vazirlar Mahkamasining Oʻzbekiston Respublikasi Davlat byudjetining 2021-yilning birinchi yarim yillik yakunlari boʻyicha ijrosi toʻgʻrisidagi hisoboti eshitildi.

27-sentabr kuni Bryusselda (Belgiya) investisiyalar va tashqi savdo vazirining o‘rinbosari B.Abidov boshchiligidagi hamda asosiy vazirlik va idoralar vakillari va ekspertlaridan iborat O‘zbekiston delegasiyasi O‘zbekiston Respublikasi hamda Yevropa Ittifoqi o‘rtasida Kengaytirilgan sheriklik va hamkorlik to‘g‘risidagi bitim (KShHTB) loyihasi bo‘yicha muzokaralarining 9-raundini boshladi.

Joriy yilning 23-sentyabrda Toshkent shahridagi City Palace mehmonxonasida gibrid formatda vazirlik va davlat tashkilotlari, taraqqiyot bo'yicha hamkorlar va xalqaro tashkilotlar vakillari ishtirokida "O'zbekiston yashil iqtisodiyotga o'tishida hamkorlikni kengaytirish" mavzusida davra suhbati bo'lib o'tdi.

Joriy yilning 23 - sentabr kuni O‘zbekiston Respublikasi Transport vazirligida “Air Marakanda” MChJ XK va “Uzbekistan Airports” AJ o‘rtasida “Samarqand” xalqaro aeroportini davlat-xususiy sheriklik asosida modernizatsiya qilish va boshqarish” loyihasining davlat-xususiy sheriklik bitimini imzolash bo‘yicha marosim bo‘lib o‘tdi.

O‘zbekiston tashqi ishlar vazirligida Xalqaro notariuslar ittifoqi Xalqaro notarial hamkorlik komissiyasi prezidenti Richard Bok boshchiligidagi delegatsiya bilan uchrashuv bo‘lib o‘tdi.

"O‘zsanoatqurilishbank" dunyoning yetakchi investitsion banklaridan biri - J.P.Morgan tashkil etgan "Emerging Markets Credit Conference" anjumanida onlayn tarzda ishtirok etdi. Bunda Bankning xalqaro kapital bozorlarida investitsiyaviy jozibadorligini oshirish maqsadi ko‘zda tutildi.

Joriy yilning 22-sentyabr kuni “J.P.Morgan” tomonidan soat 11:00 dan 19:00 gacha (Toshkent vaqti bilan) “Rivojlanayotgan mamlakatlardagi qarzdorliklar konferensiyasi” (Emerging Markets Credit Conference) tadbiri bo‘lib o‘tdi hamda unda xalqaro investorlar bilan virtual global telekonferensiya va yakkama-yakka uchrashuvlar o‘tkazildi. Yakkama-yakka uchrashuvlarda Bluebay Asset Management, Aberdeen Asset Managers, NNIP, Barings, Goldman Sachs Asset Management, Pimco Europe, Franklin Templeton, Abu Dhabi Investment Authority, Global Evolution, Stone Harbor Investment Partners kabi 30 dan ortiq investision fondlar ishtirok etdi.

Yaponiyaning O‘zbekiston Respublikasidagi Elchixonasi va “Toshkent-Nagoya” Do‘stlik assosiasiyasi bilan birgalikda “O‘zbekiston-Yaponiya hamkorligi dinamikasi va O‘zbekistonga to‘g‘ridan-to‘g‘ri xorijiy investitsiyalarni jalb etish imkoniyatlari” mavzuida onlayn anjuman o‘tkazildi.

Ekologiya va atrof-muhitni muhofaza qilish davlat qo‘mitasi raisi o‘rinbosari Islombek Boqijonov mamlakatimizda mehmon bo‘lib turgan Yevropa tiklanish va taraqqiyot banki, shuningdek, Germaniyaning «G.E.O.S. Ingenieurgesellshaft mbH» kompaniyasi mutaxassislari bilan uchrashdi. Muloqot davomida uran qoldiqlari bilan bog‘liq jiddiy muammolarni hamkorlikda yechish masalalari muhokama qilindi.

O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini «Yoshlarni qo‘llab-quvvatlash va aholi salomatligini mustahkamlash yili»da amalga oshirishga oid davlat dasturi hamda O‘zbekiston Respublikasi Prezidentining 2021-yil 20-apreldagi “Yoshlarning tadbirkorlik faoliyatini qo‘llab-quvvatlash va bandligiga ko‘maklashish, ularni ijtimoiy himoya qilish hamda bo‘sh vaqtini mazmunli tashkil etishga oid qo‘shimcha chora-tadbirlar to‘g‘risida”gi PF-6208-sonli Farmonining ijrosini ta’minlash maqsadida, O‘zbekiston Respublikasi Moliya vazirligi Axborot-hisoblash markazi DUK tomonidan subsidiya.mf.uz maxsus elektron platformasi yaratildi.