Abu – Dabi shahrida O‘zbekiston Respublikasi Bosh vazirining o‘rinbosari – investitsiyalar va tashqi savdo vaziri S.Umurzoqov BAA Bosh vazirining o‘rinbosari, Prezident ishlari bo‘yicha vazir Shayx Mansur bin Zoid Ol Nahayon bilan uchrashdi.

Bosh vazir o‘rinbosari - investitsiyalar va tashqi savdo vaziri S.Umurzoqov boshchiligidagi O‘zbekiston Respublikasi delegatsiyasi “Ostona” Xalqaro moliya markazi (OXMM)ga tashrif buyurdi.

O‘zbekiston Respublikasi Bosh vazirining o‘rinbosari - investitsiyalar va tashqi savdo vaziri S.Umurzakov Investisiyalar va tashqi savdo vazirligi va uning idoraviy mansub tashkilotlarida, jumladan, Xorijiy investitsiyalarni jalb etish agentligi, Eksportni rag‘batlantirish agentligi, Xalqaro hamkorlik va rivojlanish agentligi, Investitsiya loyihalarini ishlab chiqish markazi hamda Texnik jihatdan tartibga solish agentligida faoliyat yuritayotgan yosh xodimlar bilan uchrashuv o‘tkazdi.

Joriy yilning 3-dekabr kuni O‘zbekiston Respublikasi Bosh vazirining o‘rinbosari S.Umurzakov videokonferensiya shaklida sanoat ishlab chiqarishni mahalliylashtirish masalalarini, shuningdek, ichki va tarmoqlararo hamkorlikni yanada mustahkamlash, tadbirkorlikni rivojlantirish chora - tadbirlarini muhokama qilishga bag‘ishlangan yig‘ilish o‘tkazdi. Yig‘ilishda vazirliklar, idoralar, tarmoq birlashmalari, tijorat banklari va mahalliy hokimliklar rahbarlari ishtirok etdi.

“Fuqarolar uchun budjet”da ko‘rsatib o‘tilgan yirik soliq to‘lovchilar, faqat respublika ichida to‘laydigan soliqlari bo‘yicha ro‘yxat qilingan bo‘lib, bu to‘lovlar tarkibida respublika hududiga olib kiriladigan tovarlar uchun to‘lanadigan bojxona to‘lovlari kiritilmagan.

O‘zbekiston Respublikasi Investitsiyalar va tashqi savdo vazirligi tomonidan tashkil etilgan mahalliy to‘qimachilik va charm-poyabzal korxonalari vakillari uchun Pol'sha, Italiya, Fransiya va Ispaniyada 1-11 dekabr  kunlari bo‘lib o‘tadigan biznes-tur boshlandi.

Toshkent viloyatining Chirchiq shahrida Investitsiyalar va tashqi savdo vazirligi (ITSV) tomonidan shahar hokimligi va Olmaliq kon-metallurgiya kombinati ko‘magida tashkil etilgan navbatdagi “Hududiy tarmoqlararo sanoat yarmarkasi” bo‘lib o‘tdi.

O‘zbekiston Respublikasi Bosh vazirining o‘rinbosari S.Umurzoqov rahbarligidagi ishchi guruh Farg‘ona viloyatidagi investitsiyaviy va tashqi savdo faoliyati shuningdek, sanoat rivojlanishining bugungi holatini o‘rganish maqsadida mazkur hududga tashrif buyurdi.

O‘zbekiston Respublikasi Bosh vazirining o‘rinbosari S.Umurzoqov rahbarligidagi ishchi guruh Andijon viloyatiga tashrif buyurib, bir qator ishlab chiqarish obektlarida bo‘ldi hamda istiqbolli investitsiyaviy loyihalarni o‘rganib chiqdi.

O‘zbekiston Respublikasi Bosh vazirining o‘rinbosari S.Umurzoqov Namangan shahri va Namangan viloyati tumanlari darajasidagi mahalliy hokimiyat organlarining investitsiyalar va tashqi savdo masalalariga mas'ul bo‘lgan rahbarlar bilan yig‘ilish o‘tkazdi.

Joriy yilning 29-noyabr kuni O‘zbekiston Respublikasi Bosh vazirining o‘rinbosari S.Umurzoqov rahbarligidagi ishchi guruh Namangan viloyatining sanoat salohiyatini rivojlantirish, mahalliy tadbirkorlar va ishlab chiqaruvchilarni qo‘llab-quvvatlash borasida ko‘rilayotgan chora-tadbirlar bilan tanishish maqsadida ushbu hududga jo‘nab ketdi.

O‘zbekiston Respublikasi Prezidenti Shavkat Mirziyoyev 28-noyabr kuni Ashxobod shahrida o‘tgan Iqtisodiy hamkorlik tashkilotining (IHT) o‘n beshinchi sammiti ishida ishtirok etdi.

Joriy yilning 27-noyabr kuni O‘zbekiston Respublikasi Bosh vazirining o‘rinbosari - investitsiyalar va tashqi savdo vaziri S.Umurzakov O‘zbekiston-Qirg‘iziston taraqqiyot jamg‘armasi boshqaruvi raisi U.Karmishakovni qabul qildi.

Birlashgan Millatlar Tashkilotining Oziq-ovqat va qishloq xo‘jaligi tashkiloti (FAO) FAO-GEF hamkorligidagi “O‘zbekistonning tog‘ va vodiy hududlarida o‘rmonlarni barqaror boshqarish” loyihasi doirasida Toshkent davlat agrar universiteti bilan bitim tuzdi. 

2021-yilning 27-noyabr kuni O‘zbekiston Respublikasi Tashqi ishlar vaziri Abdulaziz Kamilov Ashxobod shahrida bo‘lib o‘tgan Iqtisodiy Hamkorlik Tashkiloti Tashqi ishlar vazirlari kengashining majlisida ishtirok etdi.

Turkiston shahrida O‘zbekiston Respublikasi va Qozog‘iston Respublikasi o‘rtasidagi ikki tomonlama hamkorlik bo‘yicha Hukumatlararo komissiyaning XIX yig‘ilishi hamda Hududlararo hamkorlik III forumi bo‘lib o‘tdi.

Joriy yilning 24-noyabr kuni Moliya vazirining birinchi o'rinbosari Omonullo Nasritdinxodjayevning Rossiya ekspertlar markazi guruhi xodimlari bilan uchrashuvi bo'lib o'tdi.

Seulda O‘zbekiston Respublikasi Bosh vazirining o‘rinbosari – investitsiyalar va tashqi savdo vaziri S.Umurzoqov rahbarligidagi O‘zbekiston hukumati delegatsiyasi Koreya Respublikasi yirik biznes va davlat korporatsiyalari vakillari ishtirokida davra suhbati o‘tkazdi.

Joriy yilning 25-noyabr kuni Seul shahrida savdo-iqtisodiy hamkorlik bo‘yicha O‘zbekiston-Koreya Hukumatlararo qo‘mitasi (HQ)ning 11-yig‘ilishi bo‘lib o‘tdi. Tadbirga O‘zbekiston Respublikasi Bosh vazirining o‘rinbosari – investitsiyalar va tashqi savdo vaziri S.Umurzoqov hamda Koreya Respublikasi savdo, sanoat va energetika vaziri Mun Sun Uk hamraislik qildi.