Жорий йилнинг 23 февраль куни Гулистон шаҳрида бўлиб ўтган яна бир тадбир бу замонавий “Ёшлар маркази” қурилишига тамал тоши қўйишга бағишланди. Тадбирда Ўзбекистон Республикаси Президенти давлат маслаҳатчисининг биринчи ўринбосари, Ўзбекистон ёшлар иттифоқи Марказий кенгаши раиси Қ. Қуронбоев, вилояти ҳокими Ғ. Мирзаев, нуроний фаоллар ҳамда фаол ёшлар иштирок этишди.

Навоий вилояти Кармана туманидаги “Юксалиш-2018” фермер хўжалигида ғаллани томчилатиб суғориш борасидаги илк тажриба қўлланила бошланди. 

“Ўзстандарт” агентлиги GLOBAL G.A.P, Германия халқаро ҳамкорлик (GIZ) лойиҳаси, UNDP “Савдо ривожланишига кўмаклашиш” лойиҳаси билан ҳамкорликда “GLOBAL G.A.P стандартларини жорий этиш афзалликлари” мавзусидаги Миллий техника ишчи гуруҳининг I йиғилиши бўлиб ўтмоқда.

Ўзбекистон Республикаси Олий Мажлиси Сенатининг ўн саккизинчи  ялпи мажлиси 2019 йил 28 февраль куни соат 10.00 да Тошкент шаҳрида Ўзбекистон Республикаси Олий Мажлиси Сенатининг мажлислар залида очилади.

Адлия вазирлигида 2018 йилда жисмоний ва юридик шахслардан “ишонч телефони”га келиб тушаётган мурожаатларни марказлашган ҳолда қабул қилиш мақсадида 1008 қисқа рақамли “Call center” хизмати ташкил қилинди.

Президентимиз Ш.Мирзиёевнинг “Ёшларни маънавий-ахлоқий ва жисмоний баркамол этиб тарбиялаш, уларга таълим-тарбия бериш тизимини сифат жиҳатидан янги босқичга кўтариш чора-тадбирлари тўғрисида”ги қарори ҳамда “Жамиятда ҳуқуқий онг ва ҳуқуқий маданиятини юксалтириш тизимини тубдан такомиллаштириш тўғрисида”ги Фармони ижросини таъминлаш, ўқувчи-ёшлар ўртасида жиноятчилик ва ҳуқуқбузарлик ҳолатларини олдини олишда “тенгдош-тенгдошга” тамойилини ривожлантириш, ёшлар билан ишлаш тизимига халқаро тажрибаларни татбиқ этиш мақсадида умумтаълим мактаб ўқувчилари учун Бирлашган Миллатлар Ташкилоти Бош Ассамблеясининг симуляцион “Ёшлар ўртасида жиноятчиликни олдини олиш” мавзусида “Ёш делегат” конференцияси ташкил этилмоқда.

Адлия вазирлиги “Жамиятда ҳуқуқий онг ва ҳуқуқий маданиятни юксалтириш тизимини тубдан такомиллаштириш тўғрисида”ги Президент Фармони ижросини таъминлаш мақсадида давлат органлари ва ташкилотларида ходимларининг ҳуқуқий билимларини оширишга қаратилган ҳуқуқий маслаҳат курсларини ташкил этмоқда.

Жорий йилнинг 22 февраль куни Олий Мажлис Қонунчилик палатаси Мудофаа ва хавфсизлик масалалари қўмитасининг 2018 — 2022 йилларда Ўзбекистон Республикасида йўл ҳаракати хавфсизлигини таъминлаш концепцияси ижросига бағишланган йиғилиши ўтказилди. Унда Ички ишлар вазирлиги, Давлат йўл ҳаракати хавфсизлиги хизмати, Марказий банк, Соғлиқни сақлаш вазирлиги, “Ўзстандарт” агентлиги, “Uzavtoyoʻlbelgi” давлат унитар корхонаси, сиёсий партиялар ва кенг жамоатчилик вакиллари иштирок этишди.

Юртимизда илк маротаба Ўзбекистон ёшлари умумжаҳон ассоциацияси томонидан хорижий мамлакатларда таълим олаётган ўзбекистонлик ёшлар учун “Career Bridge” лойиҳаси доирасида видеоконференция ўтказилди.

Ўзбекистон Республикаси Молия вазирлигида Япония Молия вазирлиги Сиёсий тадқиқотлар институти вице-президенти Муцуми Накао​ раҳбарлигидаги делегация билан учрашув бўлиб ўтди.

21 февраль - Бутунжаҳон экскурсоводлар куни ҳамда Бухоро шаҳрида ўтказилаётган I Халқаро зиёрат туризми форуми арафасида Ўзбекистон Республикаси Адлия вазирлиги Ўзбекистон Республикаси гидлар уюшмасини давлат рўйхатидан ўтказилди.

Тожикистон – Ўзбекистон чегарасида тез орада Тожикистоннинг Ғиссор туманини Сурхондарё вилояти Узун тумани Боботоғ қишлоғи билан боғловчи янги назорат ўтиш пункти(НЎП) фаолият кўрсата бошлайди.

Ўзбекистон Республикаси Адлия вазири Р.Давлетов Европа ва Марказий Осиё минтақаси бўйича молия, рақобатдошлик ва инновациялар бўйича Глобал амалиёт директори Альфонсо Гарсия Мора бошчилигидаги Жаҳон банкининг делегацияси билан учрашди.

2019 йил 19 февралда Агентликда “Электротехника саноатининг экспорт салоҳиятини янада ривожлантириш ва ошириш чора-тадбирлари тўғрисида”ги ПҚ-4090-сон қарори ижросини таъминлаш мақсадида Агентлик мутахассислари томонидан “Элтехсаноат” АК ходимлари учун “Ўзбекистон Республикасида Интеллектуал мулк объектлари муҳофазаси” мавзусида семинар ўтказилди.

Ўзбекистон Республикаси Вазирлар Маҳкамаси ҳузуридаги Миллатлараро муносабатлар ва хорижий мамлакатлар билан дўстлик алоқалари қўмитаси, Имом Бухорий халқаро илмий-тадқиқот маркази, Самарқанд давлат университети ҳузуридаги фалсафа соҳасида Илмий даражалар берувчи илмий кенгаш ва Ўзбекистон миллий университети ҳузуридаги фалсафа соҳасида Илмий даражалар берувчи илмий кенгаш қошидаги илмий семинар ҳамкорликда 2019 йил 30 март соат 10.00 да Қўмита мажлислар залида «Инсон, миллат, тил: тараққиёт масалалари» мавзусида илмий-назарий семинар ўтказишни режалаштирмоқда.

Самарқанд вилояти божхона бошқармасида БМТ Гиёҳванд ва жиноятчилик бўйича бошқармасининг “Мобил гуруҳлар ташкил қилиш йўли билан Ўзбекистонда афғон гиёҳвандлик воситаларининг контрабандасига қарши курашиш” бўйича Самарқанд минтақасида ташкил этилган “Идоралараро мобил гуруҳи” томонидан 2018 йил давомида амалга оширилган ишлари юзасидан ҳисобот йиғилиши бўлиб ўтди.

Навбатдаги халқ билан мулоқот сайёр қабул шаклида Пайариқ туманида ўтказилмоқда.

2019 йил 5 февралдан 7 февралгача Германия Федератив Республикасининг Брауншвейг шаҳрида Давлат метрология муассасаларининг Евро-осиё ҳамкорлиги (КООМЕТ) доирасида Германия Федератив физика-техника институти (PTB) томонидан ташкил қилинган “ISO/IEC 17025 халқаро стандарти янги версиясининг янгиланган талабларини ММИ/МИ сифат менежменти тизимига жорий этиш” мавзусида семинар бўлиб ўтди.