Joriy yilning birinchi aprelidan boshlab, respublika bo‘ylab joylashgan Davlat xizmatlari markazlarida aholiga innovatsion texnologiyalar va zamon talablariga mos ravishda ko‘rsatilib kelinayotgan 37 turdagi xizmatlar soni 50 taga yetkazilishi nazarda tutilmoqda. Yana bir yangilik - davlat xizmatlari yuridik shaxslar bilan bir qatorda, jismoniy shaxslarga ham ko‘rsatiladi.

O‘zbekiston Respublikasining Birinchi Prezidenti Islom Karimov xotirasini abadiylashtirish maqsadida o‘tgan yilning iyul oyida “Islom Karimov xotirasiga bag‘ishlangan eng yaxshi ilmiy-ommabop maqola” tanlovi e’lon qilingan edi.

“O‘zqurilishmateriallari” aksiyadorlik jamiyati tarkibidagi korxonalar aholini sifatli qurilish materiallari bilan ta’minlashga alohida ahamiyat qaratmoqda. Tarmoq korxonalarini modernizatsiya qilish orqali import hajmini kamaytirish, eksportbop mahsulotlar ishlab chiqarishni kengaytirish va yangi ish o‘rinlari yaratish ham doimiy e’tiborda.

O‘zbekiston Respublikasida meva-sabzavotchilikni jadal rivojlantirishga doir qo‘shimcha chora-tadbirlar to‘g‘risidagi Prezident Farmoni bilan endilikda "urug‘-ko‘chat-mahsulot yetishtirish-tayyorlash-saqlash-qayta ishlash-transportirovka qilish-bozorga yetkazish" tamoyili bo‘yicha uzluksiz zanjirni shakllantirishni ko‘zda tutuvchi meva-sabzavot mahsulotlari ishlab chiqarishni tashkil etishning klaster usuli joriy etiladi.

Oliy Majlis Senatining o‘n to‘rtinchi yalpi majlisida ishtirok etgan O‘zbekiston Respublikasi Davlat xavfsizlik xizmati raisi Ixtiyor Abdullayev “O‘zbekiston Respublikasining Davlat xavfsizlik xizmati to‘g‘risida”gi qonuni yuzasidan o‘z fikrlarini bildirdi: 

Oliy Majlis Senatining o‘n to‘rtinchi yalpi majlisida ma’ruza qilgan Senat raisi Ne’matilla Yo‘ldoshev mamlakatimiz ichki va tashqi siyosatida keyingi paytda amalga oshirilgan ishlar nafaqat xalqimiz, balki dunyo jamoatchiligi e’tibori va e’tirofiga sazovor bo‘layotganini ta’kidladi.

“O‘zbekiston respublika tovar-xom ashyo birjasi” aksiyadorlik jamiyatida Qozog‘istonning “Tovarnaya birja "ETS” aksiyadorlik jamiyati vakillari bilan uchrashuv bo‘lib o‘tdi. Unda O‘zbekiston va Qozog‘iston o‘rtasida eksport-import birja savdosini tashkil etish bo‘yicha hamkorlik to‘g‘risida bitim imzolandi.

2018-yilning 29-mart kuni Toshkent shahrida O‘zbekiston Respublikasi Oliy Majlisi Senatining o‘n to‘rtinchi yalpi majlisi o‘z ishini boshladi. Unda Vazirlar Mahkamasining taklif etilgan a’zolari, vazirlik va idoralarning rahbarlari, boshqa tashkilotlar, ommaviy axborot vositalari vakillari ishtirok etdilar.

Toshkentdagi “O‘zekspomarkaz” milliy ko‘rgazmalar majmuida bo‘lib o‘tgan Xalqaro press-klub sessiyasida Prezident huzuridagi Loyiha boshqaruvi milliy agentligi tomonidan ishlab chiqilgan O‘zbekiston Respublikasi soliq tizimini isloh qilish konsepsiya loyihasi keng jamoatchilik e’tiboriga havola etildi. Unda ekspertlar, tadbirkorlar, xalqaro moliyaviy institutlari, diplomatik korpus vakillari ishtirok etdi.

Senatning o‘n to‘rtinchi yalpi majlisida “Sud-tergov faoliyatida fuqarolarning huquq va erkinliklari kafolatlarini kuchaytirish bo‘yicha chora-tadbirlar qabul qilinganligi munosabati bilan O‘zbekiston Respublikasining ayrim konun hujjatlariga o‘zgartish va qo‘shimchalar kiritish to‘g‘risida”gi qonun ma’qullandi.

Hech kim jurnalistdan e’lon qilinayotgan xabarlar yoki materiallar oldindan kelishib olinishini, shuningdek ularning matni o‘zgartirilishini yoxud ularning nashrdan butunlay olib tashlanishini (efirga berilmasligini) talab qilish huquqiga ega emasligiga oid me’yor mustahkamlanmoqda.

Oliy Majlis Senati o‘n to‘rtinchi yalpi majlisida yangi tahrirdagi “O‘rmon to‘g‘risida”gi qonun ma’qullandi.

“Qaddimizdan qadrimiz baland” deyishmoqda Namangan viloyati Yangiqo‘rg‘on tumanidagi Bekobod qishlog‘i Bo‘ston mahallasida foydalanishga topshirilgan yangi uy-joylar sohiblari.

Harbiy-texnik hamkorlik bo‘yicha Rossiya Federal xizmati direktori o‘rinbosari Vladimir Drojkovning ma’lum qilishicha Yerevanda tashkil etilgan “ArmHiTech-2018” qurol-yarog‘ ko‘rgazma doirasida Rossiya va O‘zbekiston o‘rtasida shartnoma imzolangan.

Oliy Majlis Senatining o‘n to‘rtinchi yalpi majlisida O‘zbekiston Respublikasi Oliy Majlisining Inson huquqlari bo‘yicha vakili (Ombudsman) Ulug‘bek Muhammadiyev senatorlar oldida Ombudsmanning 2017-yildagi faoliyatiga oid hisobotini taqdim etdi.

Senat o‘n to‘rtinchi yalpi majlisi muhokamasiga kiritilgan «O‘zbekiston Respublikasi, Qozog‘iston Respublikasi va Turkmaniston o‘rtasida uch davlatning Davlat chegaralari tutashgan nuqtasi hududi to‘g‘risidagi shartnomani (Samarqand, 2017-yil 10-noyabr) ratifikatsiya qilish haqida»gi O‘zbekiston Respublikasi qonuni ma’qullandi.

Oliy Majlis Senatining o‘n to‘rtinchi yalpi majlisida “O‘zbekiston Respublikasi uy-joy kommunal xizmat ko‘rsatish sohasi xodimlari kunini belgilash to‘g‘risida”gi qonun ma’qullandi.

Davlat bojxona qo‘mitasida bojxona xizmati organlariga endigina qabul qilingan yosh xodimlar va ularning ota-onalari uchun tashkil etilgan uchrashuvda qo‘mita raisi general-mayor M.Azimov “mamlakat taraqqiyoti va kelajagi uchun o‘zini mas’ul deb bilgan har bir yosh xodim xizmatda, eng avvalo, vatanparvarlik, adolat va halollik tamoyillariga qat’iy va og‘ishmay rioya qilishlari shart”ligini aytdi.