“Qaddimizdan qadrimiz baland” deyishmoqda Namangan viloyati Yangiqo‘rg‘on tumanidagi Bekobod qishlog‘i Bo‘ston mahallasida foydalanishga topshirilgan yangi uy-joylar sohiblari.

Prezidentimizning 2016-yil 21-oktabrdagi “2017-2021-yillarda qishloq joylarda yangilangan namunaviy loyihalar bo‘yicha arzon uy-joylar qurish dasturi to‘g‘risida”gi qarori asosida barpo etilgan uylarni topshirish marosimida davlat va jamoat tashkilotlari vakillari, mahalla faollari, keng jamoatchilik ishtirok etdi. 

Qishloqlarda aholining turmush madaniyati va farovonligini oshirish, kam ta’minlangan oilalar va nogironlarni moddiy-ma’naviy qo‘llab-quvvatlashga alohida e’tibor qaratilayotgani ta’kidlandi.