Ўзбекистон Республикаси Инновацион ривожланиш вазирлигининг ташаббуси билан ёш олимларни қўллаб-қувватлаш мақсадида Scopus ва Web of science базасига киритилган Ҳиндистон Республикасининг юқори рейтингга эга илмий журналларида илм-фан соҳасининг 5 та муҳим йўналиши бўйича ушбу журналларнинг махсус сонлари нашр этилади.

Жорий йилнинг 17 октябрь куни Тошкент шаҳридаги учта «Баркамол авлод» болалар мактабида RoboCraft курсларининг очилиш маросими бўлиб ўтди.

Ўзбекистон Республикаси Президенти ҳузуридаги Лойиҳа бошқаруви миллий агентлиги, Инновацион ривожланиш вазирлиги, Бизнес ва бошқарув республика олий мактаби, БМТ Тараққиёт дастури томонидан ташкил этилган Бошқарув инновациялари кунлари доирасида хорижий ва маҳаллий экспертлар томонидан семинарлар ўтказилмоқда, маърузалар ўқилмоқда, муҳокамалар қизғин кечмоқда.

Ўзбекистон Республикаси Инновацион ривожланиш вазирлигининг Фан ва илмий-техник тадқиқотларни ривожлантириш бошқармаси ходимларидан иборат делегациясининг Ҳиндистонга ташрифи давомида Ўзбекистон Республикаси Инновацион ривожланиш вазирлиги ва Ҳиндистон Республикаси Фан ва технологиялар вазирлиги ўртасида имзоланган меморандум доирасида тайёрланган “Ўзбекистон Республикаси Инновацион ривожланиш вазирлиги ва Ҳиндистон Республикаси Фан ва технологиялар департаменти ўртасида “2019-2022 йилларда фан, технология ва инновация соҳасида ҳамкорлик дастури” тасдиқланди.

Ўзбекистон Республикаси Инновацион ривожланиш вазирлигининг Фан ва илмий-техник тадқиқотларни ривожлантириш бошқармаси ходимларидан иборат делегациясининг Ҳиндистон Республикасига хизмат сафари давомида Ҳиндистон илмий-инновацион фаолият субъектлари – илмий марказлар, инновация ва технологиялар трансфери марказлари, технопарклар фаолияти ва тажрибасини ўрганиш мақсадида ташрифлар ва учрашувлар ташкил этилди.

Тошкентда биринчи марта “International Hotel Tashkent" меҳмонҳонасида 15-16-октябрь кунлари “Стартап экотизимларининг минтақавий ҳамкорлиги рақамли иқтисодиёт ўсишининг асосий омили" мавзусида Ўзбекистон Республикаси ахборот технологиялари ва коммуникацияларини ривожлантириш вазирлиги ҳамда Халқаро электралоқа иттифоқининг амалий семинари бўлиб ўтмоқда.

Жорий йилнинг 9-12 октябрь кунлари ташкил этилган "Золотая осень – 2019" - 21-Россия агросаноат кўргазмасида Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалиги экинлари навларини синаш маркази вакилларидан иборат делегация ҳам иштирок этди.

Германиянинг инновацион экотизими ва илм-фан соҳасидаги ютуқлари билан танишиш мақсадида сафарга чиққан ёш олимлардан иборат делегация Германиянинг таълим ва тадқиқотлар бўйича федератив вазирлигига ташриф буюрди. Делегация аъзолари вазирлик фаолияти ҳақида батафсил маълумотларга эга бўлиш билан бир қаторда турли интерфаол машғулотлар орқали ўз илмий ишлари ва тадқиқотлари натижаларининг юртимиз илм-фан ва инновацион экотизимида қандай ўрин эгаллаши мумкинлигини таҳлил қилдилар.

Ўзбекистон Республикаси Инновацион ривожланиш вазири биринчи ўринбосари в.б. Шароф Ражаббоев бошчилигидаги делегация Япониянинг Токио ва Киото шаҳарларига ташриф буюрди. Делегация раҳбари “Илм-фан ва технологияларнинг жамиятдаги ўрни” 16-чи Форуми доирасида ташкил этилган вазирлар иштирокидаги давра суҳбатида қатнашди.

Ўзбекистон Республикаси Қишлоқ хўжалиги вазирлигида БМТ Тараққиёт дастури экология масалаларни молиялаштириш ижрочи Координатори Прадип Курукуласурия раҳбарлигидаги БМТ Тараққиёт дастурининг Нью-Йорк ва Истамбул офислари экспертлари делегацияси билан учрашув бўлиб ўтди.

Жорий йилнинг 7 октябрь куни БМТнинг Ўзбекистондаги Тараққиёт Дастури Ўзбекистон Республикаси Инновацион ривожланиш вазирлиги билан ҳамкорликда «Акселератор лабораторияси» деб номланган янги ташаббусни йўлга қўйди. Мазкур лабораторияни расман ишга тушириш маросими Инновацион ривожланиш вазирлиги ҳузуридаги Илғор технологиялар марказида бўлиб ўтди. Тадбирда БМТ ТДнинг Ўзбекистондаги доимий вакили Матилда Димовска ҳамда  Инновацион ривожланиш вазири ўринбосари Азимжон Назаров иштирок этди.  

“Ўзбекистон-Германия 2019” илмий-тадқиқот дастурининг режасига биноан 2019 йил 7-11 октябрь кунлари Германиянинг Ольденбург университети, ТАТУ, ТАТУ Самарқанд, Нукус ва Урганч филиаллари ҳамкорлигида ТАТУда “SMART CITY” мавзусида Ўзбекистон-Германия халқаро конференцияси бўлиб ўтмоқда.

26 сентябрь куни пойтахтимиздаги "Ўзэкспомарказ" миллий кўргазмалар мажмуида ўзбекистонлик талабалар ўртасида "mGovAward" давлат мобиль иловаларини ишлаб чиқиш бўйича республика танловининг расмий очилиш маросими бўлиб ўтди.

Жорий йилнинг 19 сентябрь куни Ўзбекистон Республикаси Инновацион ривожланиш вазирлиги ва “Ўзсаноатқурилишматериаллари” уюшмаси қошидаги Қурилиш материаллари саноати илмий-техникавий кенгаши ҳамкорликда республикамиздаги қурилиш материаллари соҳасида мавжуд илмий ва инновацион, янги турдаги, юқори самарадор қурилиш материаллари, ишланмалар ва технологиялар кўргазмаси ташкил этилди .

Ўзбекистон Республикаси Инновацион ривожланиш вазирлиги Daegyeong Robot Enterprise Promotion Association (REPA) билан ҳамкорликда Тэгу шаҳрида (Корея) бўлиб ўтадиган «Global Robot Business Forum-2019» да иштирок этиш учун танлов эълон қилади.

Инновацион ривожланиш вазири ўринбосари Азимжон Назаров Болгарияда бўлиб ўтган ўзбек-болгария бизнес-форумида иштирок этиш асносида София технопаркига (Sofia Tech Park) ташриф буюрди.

Жорий йилнинг 2 октябрь куни пойтахтимизнинг Wyndham Hotel меҳмонхонасида Саноат робототехникаси бўйича иккинчи саммит бўлиб ўтади. Мазкур тадбир 2018 йилнинг ноябрь ойида ташкил этилган Саноат робототехникаси бўйича биринчи саммитнинг давоми бўлиши кутилмоқда. Маълумки, юқори технологиялардан фойдаланиш келажакда давлатлар иқтисодиётининг қай даражада ривожланишини белгилайди, шу муносабат билан саноатни автоматлаштириш учун зарур бўлган робототехника ва ускуналарнинг энг сўнгги авлодлари билан танишиш, уларни қўллаш юртимиз корхоналарини янги технологик даражага олиб чиқиши кутилмоқда.

Ёшларнинг интеллектуал ва ижодий салоҳиятини рўёбга чиқариш учун қулай шарт-шароитлар яратиш, ёшларнинг инновацион ғоялари ва бизнес лойиҳаларини рағбатлантириш ва ривожлантиришни қўллаб-қувватлаш, академик лицей, касб-ҳунар коллежлари ҳамда олий таълим муассасалари битирувчиларининг бандлигини таъминлашга кўмаклашиш мақсадида Ўзбекистон Республикаси Бандлик ва меҳнат муносабатлари вазирлиги БМТ Тараққиёт дастурининг Россия Федерацияси томонидан молиялаштириладиган “Ўзбекистонда ёшлар бандлигига кўмаклашиш” қўшма лойиҳаси доирасида “Стартап-ташаббуслар” ёшларнинг инновацион ғоялари ва стартап лойиҳаларини қўллаб-қувватлаш дастурининг 4-даврини амалга оширмоқда.