Oʻzbekiston Respublikasining BMTning Osiyo va Tinch okeani iqtisodiy va ijtimoiy komissiyasi (ESKATO) Osiyo-Tinch okeani texnologiyalar transferi markazi (OTTTM)ga aʼzo-davlatlar safiga qoʻshilishi yurtimiz ilm-fani, innovatsiya va texnologiyalar sohasining rivojlanishiga turtki berishi kutilmoqda. Shu munosabat bilan “InnoWeek-2019” innovatsion gʻoyalar haftaligi doirasida Innovatsion rivojlanish vazirligi va Osiyo-Tinch okeani texnologiyalar transferi markazi tomonidan “Innovatsiyalar va texnologiyalar transferida intellektual mulkning ahamiyati” mavzusidagi mintaqaviy seminar tashkil etildi. TadbirgaHindiston, Koreya Respublikasi, Filippin, Malayziya, Shvetsiya, Qozogʻiston kabi davlatlardan spikerlar taklif etildi.

Joriy yilning 7-noyabr kuni kvazikristallarni ochganligi uchun 2011-yilda kimyo yo‘nalishida Nobel mukofotiga sazovor bo‘lgan professor Dan Shixtman O‘zbekiston Respublikasi Fanlar akademiyasi Materialshunoslik institutiga tashrif buyurdi.

Shanxay hamkorlik tashkiloti Davlat rahbarlari kengashi yigʻilishi doirasida Oʻzbekiston Respublikasi va Xitoy Xalq Respublikasi hukumatlarining Fan va texnologiyalar boʻyicha hamkorlik toʻgʻrisidagi kelishuvi Oʻzbekiston Respublikasi Innovatsion rivojlanish vaziri Ibrohim Abdurahmonov hamda Xitoy Xalq Respublikasining Oʻzbekiston Respublikasidagi Favqulodda va muxtor elchisi Szyan Yan tomonidan imzolandi.

4-noyabr kuni Innovatsion rivojlanish vaziri Ibrohim Abdurahmonov XXR ilm-fan va texnologiyalar vazirligining Ijtimoiy sohalarda ilm-fan va texnologiyalarni rivojlantirish departamentining bosh direktori oʻrinbosari Tyan Baogu boshchiligidagi Xitoy delegatsiyasini qabul qildi. 

Joriy yilning 28-oktabr – 1-noyabr kunlari Oʻzbekiston Respublikasi Prezidenti huzuridagi Davlat boshqaruv akademiyasida Innovatsion rivojlanish vazirligi hamda Birlashgan Arab Amirliklarining Vazirlar Mahkamasi va Kelajak ishlari boʻyicha vazirligi bilan hamkorlikda “Future Foresight” seminar-treninglar tashkil etildi. 

InnoWeek-2019 Ikkinchi xalqaro innovatsion gʻoyalar haftaligi doirasida tashkil qilingan Xalqaro innovatsion koʻrgazmada intellektual faoliyat natijalarini tijoratlashtirish maydoni tashkil qilindi. Ushbu maydonda 16 ta ilmiy-tadqiqot muassasalari va 8 ta innovatsion startap kompaniyalar oʻz ishlanmalari va mahsulotlari bilan ishtirok etdi.

Ayni paytda InnoWeek innovatsion gʻoyalar haftaligi doirasida oʻtayotgan “Innovatsiyalar va texnologiyalar transferida intellektual mulkning ahamiyati” mavzusidagi mintaqaviy seminar boʻlib oʻtmoqda. Mazkur tadbir Innovatsion rivojlanish vazirligi va Osiyo-Tinch okeani texnologiyalar transferi markazi tomonidan tashkil etilgan.

InnoWeek- 2019 Innovatsion gʻoyalar haftaligi doirasida Oʻzbekiston Respublikasini innovatsion rivojlantirish strategiyasida belgilangan asosiy vazifalardan biri — Oʻzbekistonning Global innovatsion indeks (GII) koʻrsatkichida ilgʻor 50 mamlakatlar qatoridan oʻrin olishini taʼminlashga qaratilgan yurtimizning Global innovatsion indeks koʻrsatkichlarini yaxshilashga doir oʻtkazilgan davra suhbati boʻlib oʻtdi. Davra suhbatida respublikamizning vazirlik va idoralar xodimlari, mamlakatimiz hamda xorijiy mustaqil ilmiy-tadqiqot markazlari hamda xalqaro tashkilotlar vakillari ishtirok etdi.

Poytaxtimizning “Oʻzekspomarkaz”milliy koʻrgazmalar majmuasida boʻlayotgan InnoWeek-2019innovatsion gʻoyalar haftaligi doirasida Xalqaro innovatsion-investitsiya forumi boʻlib oʻtmoqda. Ushbu forumda bir qator xorijiy investitsiya kompaniyalari ham ishtirok etmoqdalar. Haftalikning birinchi kunida Innovatsion rivojlanish vazirligi tomonidan Xitoy, Turkiya, Isroil, Polsha va Hindiston davlatlaridan kelgan investorlar bilan ikki tomonlama hamkorlikni nazarda tutuvchi umumiy qiymati 96,5 mln.dollarga teng boʻlgan anglashuv memorandumlari va shartnomalar imzolandi.

Poytaxtimizdagi “Oʻzekspomarkaz” milliy koʻrgazmalar zalida “INNOWEEK – 2019” innovatsion gʻoyalar haftaligi boshlandi.

Nukus shahrida BMT shafeligida “Orolboʻyi – ekologik innovatsiyalar va texnologiyalar zonasi” mavzuida xalqaro anjuman boʻlib oʻtdi.

2019-yilning 21-oktyabridan 23-oktyabrigacha Birlashgan Arab Amirligining Abu-Dabi shahrida butun dunyo bo‘ylab 5000 dan ortiq sarmoyador va innovatorlarni to‘plagan eng yirik xalqaro startap festivallaridan biri – MENA FinTech festivali bo‘lib o‘tdi.

29-31-oktabr kuni “Oʻzekspomarkaz” milliy koʻrgazma majmuasida InnoWeek Ikkinchi xalqaro innovatsion gʻoyalar haftaligi doirasida tashkil qilinadigan Xalqaro innovatsion koʻrgazmada intellektual faoliyat natijalarni tijoratlashtirish maydoni tashkil qilinib, ushbu maydonda ixtirochi va tadqiqotchilarning tijoratlashtirish uchun innovatsion loyihalari va ishlanmalari taqdimoti boʻlib oʻtishi koʻzda tutilgan.

22-oktabr kuni Gujarat shtati rasmiy delegatsiyasining Oʼzbekiston Respublikasiga tashrifi doirasida Innovatsion rivojlanish vaziri Ibrohim Аbdurahmonov Hindiston davlat idoralari mutasaddilari va kompaniyalar vakillari bilan uchrashuv oʼtkazdi.Uchrashuvda Gujarat shtati bosh vaziri idorasining masʼul xodimi D.X.Shax, Hindistonning Oʼzbekistondagi elchixonasi Аxborot texnologiyalar boʼyicha maslahatchisi J.Partxasartxi, “KPMG” konsalting kompaniyasi direktori S.Vagxela, “Silvertouch” hamda “DEV ITPL” kompaniyalari rahbarlari ishtirok etdilar.