Ўзбекистон Республикаси Президенти Шавкат Мирзиёев раислигида 3 апрель куни коронавирус пандемияси келтириб чиқарган инқирозга қарши курашиш шароитида тадбиркорликни қўллаб-қувватлаш масалалари бўйича видеоселектор йиғилиши ўтказилди.

Жаҳонда коронавирус пандемияси тарқалиши туфайли уни бартараф этишга қаратилган кескин чораларни кўрилиши ташқи савдо соҳасида енгиб бўлмайдиган кучлар (форс-мажор) ҳолати юзага келиши сабабли ташқи иқтисодий фаолият иштирокчилари томонидан шартномавий мажбуриятларнинг тўлақонли бажарилмай қолишига олиб келмоқда.

Дунёдаги эпидемиологик вазият ва Ўзбекистонда коронавируснинг тарқалиши туфайли ҳукумат шартномалар бажарилмаган тақдирда бизнес учун «форс-мажор» режимини жорий этишга қарор қилди.

Бутун дунёда катта таҳдидга айланган коронавирус инфекцияси мамлакатимизга кириб келди. 

Дунё бўйлаб 160 га яқин давлатларда қайд этилган коронавирус инфекциясига қарши курашиш бўйича Ўзбекистонда бир қатор чора-тадбирлар белгиланди.

Штаб таркибига кирган тегишли вазирлик, идоралар ва ташкилотларнинг масъул ходимлари куну-тун тадбиркорларнинг ташқи савдо ва инвестиция фаолияти барқарор режимини таъминлаш билан боғлиқ масалаларини тезкор ҳал этишни таъминламоқдалар.

Ўзбекистон Республикаси Президентининг 2020 йил 2 мартдаги ПФ-5953-сонли Фармони билан тасдиқланган 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини “Илм, маърифат ва рақамли иқтисодиётни ривожлантириш йили”да амалга оширишга оид Давлат дастурининг 87-банди ҳамда Ўзбекистон Республикаси Президенти Ш.Мирзиёев раҳбарлигида 2020 йил 17 февраль куни ўтказилган йиғилишнинг 15-сонли баёни 5-банди ижросини таъминлаш мақсадида, Савдо-саноат палатаси томонидан Бизнес омбудсман билан биргаликда тадбиркорлик субъектлари иштирокида ҳуқуқий масалалар бўйича Экспертлар кенгашининг 5 та йиғилишлари 2-13-март кунлари видеоконференция шаклида ўтказилди.

Жорий йил 16 март куни Инвестициялар ва ташқи савдо вазирлигида вазирликлар, идоралар, тармоқ бирлашмалари, холдинглар, Марказий ва тижорат банклари раҳбарлари ҳамда Қорақалпоғистон Республикаси, вилоятлар ва Тошкент шаҳри маҳаллий ҳокимият органларининг инвестициялар ва ташқи савдо соҳаси учун масъул бўлган раҳбарлари иштирокида коронавирус пандемияси эълон қилинганлиги оқибатида юзага келган жаҳон иқтисодий конъюнктураси шароитида инвестиция ва ташқи иқтисодий фаолиятнинг прогноз кўрсаткичлари бажарилишини таъминлаш билан боғлиқ долзарб масалалар муҳокама қилинди.

Ўзбекистон Республикасида охирги уч йилда реал иқтисодий ислоҳотларнинг чуқурлаштирилиши, ҳудудларда тадбиркорлик муҳитини тубдан яхшилаш, аҳолининг кенг қатламларини тадбиркорликка жалб қилиш ҳамда ушбу йўналишда тадбиркорларнинг зарур иқтисодий-молиявий билим ва кўникмаларга эга бўлишлари борасида устувор давлат сиёсати юритилмоқда. Тадбиркорлик таълимини институционал ривожлантиришда Ўзбекистон Республикаси Савдо-саноат палатаси муҳим ўринга эга ҳамда бу борада олиб борилаётган давлат сиёсатининг марказий бўғинига айланиб улгурди.

Қоровулбозор тумани ҳудудидан қазиб олинаётган оҳактошга бўлган талаб ортиб бораётганига қарамасдан, таркибий жиҳатдан тўла ўрганилмаган ва ундан имконият даражасида қурилишбоп материаллар ишлаб чиқариш тажрибаси пухта ўзлаштирилган, дея олмаймиз. Оҳактошдан тобора гавжум кўриниш олаётган қурилиш бозорида иккиламчи ашё-клинкер ишлаб чиқариш технологиясини жорий қилиш мумкин экан.

12 март куни Самарқанддаги Ёшлар Иттифоқи биносида “Ўзбекистон-Нидерландия” агробизнес - форуми бўлиб ўтди.

Хоразмда 3 юлдузли меҳмонхонага давлат томонидан субсидия ажратилди. Субсидия серификатини Бош вазир ўринбосари, Туризмни ривожлантириш давлат қўмитаси раиси Азиз Абдуҳакимов топширди.

Анқара шаҳрида Ўзбекистон Республикаси Президентининг “Ўзбекистон Республикаси ва Туркия Республикаси ўртасида икки томонлама ҳамкорликни янада кенгайтириш ва мустаҳкамлаш чора-тадбирлари тўғрисида”ги 2020 йил 4 мартдаги Қарори ижроси борадаги Туркия савдо палаталари ва товар биржалари уюшмаси билан биргаликда Тошкент шаҳрида Туркия иқтисодиёт ва технологиялар университетининг (TOBB ETU) филиалини ташкил қилиш масалаларини муҳокама қилишга бағишланган учрашувлар бўлиб ўтди.

2020 йилнинг апрель-июнь ойларида Ўзбекистон Савдо-саноат палатаси ҳамда вилоят ҳокимликлари билан ҳамкорликда ҳудудларда кўчма мини-технологиялар ва асбоб-ускуналар кўргазмаси ташкил этиш режалаштирилган.

4 март куни Бош вазирнинг ўринбосари – Ўзбекистон Республикаси Туризмни ривожлантириш давлат қўмитаси раиси Азиз Абдуҳакимов “C-Quadrat Investment Group” инвестицион компаниясининг бош директори Александр Шуц бошчилигидаги Австриянинг бир гуруҳ тадбиркорлари билан учрашди.

Жорий йил 5 март куни Инвестициялар ва ташқи савдо вазири С.Умурзаков Европа тикланиш ва тараққиёт банки (ЕТТБ) президенти С.Чакрабарти билан учрашув ўтказиб, унинг давомида икки томонлама ҳамкорлик масалалари, 2019 йилдаги қўшма фаолият натижалари, амалга оширилаётган лойиҳаларнинг ҳозирги ҳолати ва 2020 йилда ўзаро алоқаларни кенгайтириш истиқболлари муҳокама қилинди.

Ўзбекистон Республикаси Президенти Шавкат Мирзиёев 5 март куни Европа тикланиш ва тараққиёт банки президенти Сума Чакрабарти бошчилигидаги ушбу нуфузли молиявий институт делегациясини қабул қилди.