“Тинчлик жараёни, хавфсизлик соҳасида ҳамкорлик ва минтақавий шериклик” мавзуида ўтказилаётган халқаро конференцияда сўзлаган Италиянинг Афғонистон ва Покистон бўйича махсус вакили Альберто Пиери терроризмни кескин қоралашини билдирди. 

Сўз БМТнинг Афғонистондаги махсус вакили Тадамити Ямамотога: – Афғонистон бўйича Тошкент конференцияси муҳим аҳамиятга эга. Шундай бўлса-да, афғон диёрида тинчлик ўрнатиш бўйича қатор келишувлар ва учрашувлар ташкил этилганини эслаб ўтиш ўринли. Бироқ бу келишувларга барча томон бирдек амал қилиши керак. Ҳатто “Толибон” ҳаракати аъзолари ҳам. 

Тошкентда бўлиб ўтаётган халқаро конференция фақат Афғонистонда тинчликни таъминлашгагина хизмат қилиб қолмайди. Балки, бутун дунёда диний экстремизм, терроризм билан курашда муҳим аҳамият касб этади.

Аркадий Дубнов, Марказий Осиё бўйича эксперт: – Бугунги конферецияга Россиядан бир гуруҳ вакиллар келганмиз. Биз анжуман қандай натижа беради деган савол атрофида баҳс мунозаралар қиляпмиз. Бир гуруҳ дўстларимиз Тошкентда ўтаётган бу анжуман сал вақтлироқ ташкил этилди, Афғонистон ҳали бунга тайёр эмас демоқда. 

Афғонистон бўйича Тошкент халқаро конференциясида сўзга чиққан Туркманистон ташқи ишлар вазири ўринбосари В.Хаджиев Афғонистон билан турли соҳаларда, хусусан, электр энергияси, транспорт логистикаси, фан-таълим йўналишида яхши алоқалар ўрнатилгани ҳақида гапирди. 

Покистонлик журналист Муҳаммад Жавед Чаудре ЎзА мухбирига Афғонистон бўйича Тошкент конференциясининг аҳамияти ҳақида сўзлаб берди: – Афғонистондаги нотинчлик биринчи навбатда унга қўшни давлатларга тўғридан-тўғри салбий таъсир кўрсатади. Шу маънода биз Афғонистон бўйича расмий Тошкент ташаббусини қўллаб-қувватлаймиз, – деди Муҳаммад Жавед Чаудре.

Ҳиндистон ташқи ишлар вазири Мубашар Жавед Акбар пойтахтимизда давом этаётган “Тинчлик жараёни, хавфсизлик соҳасида ҳамкорлик ва минтақавий шериклик” мавзусидаги халқаро конференцияда иштирок этаётгани у учун шараф эканлиги ва бу анжуман уларга катта умид бераётганини алоҳида таъкидлади. 

Афғонистон бўйича Тошкент конференцияси давом этади. Навбат Тожикистон Республикаси Ташқи ишлар вазири С.Асловга. 

Пойтахтимизда бўлиб ўтаётган “Тинчлик жараёни, хавфсизлик соҳасида ҳамкорлик ва минтақавий шериклик" мавзуида Афғонистон бўйича юқори даражадаги Тошкент халқаро конференциясида Қозоғистоннинг Ташқи ишлар вазири К.Абдураҳмонов бу ҳаракатлар мувозанатни сақлаш, барқарор тинчликка эришиш йўлида муҳим қадам эканини таъкидлади. Қозоғистон бу борадаги минтақада бўладиган ташаббусларни қўллаб-қувватлайди.

Афғонистон СЕО ва ХАИРМАН компаниясининг махсус вакили Саад Моҳсени.

Пойтахтимизда давом этаётган “Тинчлик жараёни, хавфсизлик соҳасида ҳамкорлик ва минтақавий шериклик” мавзуида ўтказилаётган халқаро конференцияда сўзлаган Эрон ташқи ишлар вазири Муҳаммад Жавад Зариф қарийб қирқ йилдан бери давом этиб келаётган афғон уруши нафақат Афғонистон, балки қўшни давлатлар учун кўплаб муаммолар пайдо қилганини таъкидлади. 

Халқаро форумлар саройида Афғонистон бўйича юқори даражали Тошкент халқаро конференцияси доирасида Хитой Халқ Республикаси Ташқи ишлар вазири ўринбосари Ли Баодун Афғонистонда тинчликка эришиш бўйича ўз қарашларини билдириб ўтди.

Афғонистон бўйича Тошкент халқаро конференциясида АҚШ Давлат котибининг сиёсий масалалар бўйича ўринбосари Томас Шэннон сўзга чиқди.

Халқаро форумлар саройида Афғонистон бўйича юқори даражали Тошкент халқаро конференцияси давом этмоқда.

Пойтахтимизда давом этаётган “Тинчлик жараёни, хавфсизлик соҳасида ҳамкорлик ва минтақавий шериклик” мавзуида ўтказилаётган халқаро конференцияда Туркия ташқи ишлар вазири Мевлут Чавушўғлу сўзга чиқди.

– Афғонистонда тинчликни таъминлашга катта масъулият билан ёндашаётган Ўзбекистон раҳбариятига миннатдорлик билдирамиз, – деди Хаважа Муҳаммад Асиф. – Бугун Ўзбекистоннинг минтақада дўстона алоқаларни мустаҳкамлаб, тинчлик ва хавфсизликни таъминлашда ҳал қилувчи аҳамият касб этаётган саъй-ҳаракатлари жуда муҳимдир.

“Тинчлик жараёни, хавфсизлик соҳасида ҳамкорлик ва минтақавий шериклик” мавзуида Афғонистон бўйича Тошкент халқаро конференцияси ишчан руҳда давом этмоқда.

Пойтахтимизда очилган “Тинчлик жараёни, хавфсизлик соҳасида ҳамкорлик ва минтақавий шериклик” мавзуида ўтказилаётган халқаро конференцияда Европа Иттифоқининг ташқи ишлар ва хавфсизлик сиёсати бўйича Олий вакили Федерика Могерини маъруза қилди.

Ўзбекистон Республикаси Президенти Шавкат Мирзиёев ташаббуси билан ўтказилаётган “Тинчлик жараёни, хавфсизлик соҳасида ҳамкорлик ва минтақавий шериклик” мавзуидаги Афғонистон бўйича юқори даражадаги Тошкент халқаро конференцияси бўлиб ўтаётгани муносабати билан БМТ Бош котиби Антониу Гуттерриш видеомурожаат йўллади. Унда ушбу конференция Афғонистонда тинчликка эришишга хизмат қилиши қайд этилди.

– Афғонистонда тинчликни таъминлаш минтақавий ҳамкорликни талаб қилади. Бу жараёнда Марказий Осиё ва унга қўшни мамлакатлар келишуви ғоят муҳим масаладир, – деди Европа Иттифоқининг ташқи ишлар ва хавфсизлик сиёсати бўйича Олий вакили Федерика Могерини. – Шу нуқтаи назардан Президент Шавкат Мирзиёев ва Президент Муҳаммад Ашраф Ғани ташаббуси Афғонистонда тинчлик ва хавфсизликни таъминлашда муҳим аҳамият касб этиши шубҳасиз. Ва албатта, бу борадаги саъй ҳаракатларни Европа Иттифоқи ҳам қўллаб-қувватлайди.