Афғонистон бўйича Тошкент халқаро конференциясида сўзга чиққан Туркманистон ташқи ишлар вазири ўринбосари В.Хаджиев Афғонистон билан турли соҳаларда, хусусан, электр энергияси, транспорт логистикаси, фан-таълим йўналишида яхши алоқалар ўрнатилгани ҳақида гапирди. 

В.Хаджиев Афғонистонда тинчликни таъминлаш учун дунё ҳамжамияти тайёр эканини, хусусан, Туркманистон ҳам бу эзгу ҳаракатларни қўллаб-қувватлашини маълум қилди. 

– Туркманистон томони бу йўлда барча имкониятларни ишга солишга тайёр, – деди вазир ўринбосари. – Айнан Тошкент конференциясида бугун узоқ кутилган келишувлар ва натижага эришамиз, деб ишонамиз. 

Манба: ЎзА