Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Афғонистон бўйича юқори даражадаги Тошкент халқаро конференцияси ўз ишини давом эттиради
2018-03-27 | Сиёсат
Сўз БМТнинг Афғонистондаги махсус вакили Тадамити Ямамотога: – Афғонистон бўйича Тошкент конференцияси муҳим аҳамиятга эга. Шундай бўлса-да, афғон диёрида тинчлик ўрнатиш бўйича қатор келишувлар ва учрашувлар ташкил этилганини эслаб ўтиш ўринли. Бироқ бу келишувларга барча томон бирдек амал қилиши керак. Ҳатто “Толибон” ҳаракати аъзолари ҳам.
Шунда ҳаракатларимиз самарасиз қолмайди. Жорий йилнинг январь ойида Кобул шаҳрида бўлиб ўтган терактга эътиборингизни қаратмоқчиман. Ўшанда портловчи қурилмани ишга тушириш учун тезёрдам машинасидан фойдаланилди. Бу ҳам халқаро меъёрларга зид ҳаракатдир.
Афғонистонда барқарорликни таъминлаш бўйича турли қараш ва ёндашувлар бўлиши мумкин. Лекин уларнинг тинчликка эришиш истагида эмаслигини кўрсатмайди. Бу йўлда “Толибон” ҳаракати билан ҳам ҳамкорлик қилиш керак бўлади.
Манба: ЎзА
