Ўзбекистон Республикаси Молия вазирлиги «Ишонч телефони»га 2018 йил давомида жами 690 та мурожаатлар келиб тушган, шундан 2018 йилнинг 25 декабрь ҳолатида 673 та мурожаатлар кўриб чиқилган, 17 та мурожаатнинг кўриб чиқиш муддатлари мавжуд. 

Жорий йилнинг 26 декабрь куни Молия вазирлиги Марказий банк билан биргаликда Ўзбекистон Республика валюта биржасида муомала даври 6 ой бўлган (дисконтли) 1 млн. сўм номинал қийматга эга умумий ҳажми 200 млрд. сўмлик 200 минг донадавлат қимматли қоғозларини жойлаштириш бўйича аукцион ўтказилди. 

Аудиторлик фаолиятини янада ривожлантириш бўйича чора-тадбирлар режасини амалга ошириш мақсадида Ўзбекистон Республикаси молия вазирининг 2018 йил 14 ноябрдаги 144-сон буйруғи билан Аудитор малака сертификатини бериш тартиби тўғрисидаги низом тасдиқланди. Низом белгиланган тартибда Адлия вазирлигида 2018 йил 21 декабрда 3105 рўйхат рақам билан рўйхатга олинди (2019 йил 23 мартдан кучга киради).

Ўзбекистон Республикаси Молия вазирлигида 2018 йил 20 ноябрь куни Молия вазирлиги Ғазначилиги, Ахборот ҳисоблаш маркази, «Фидо-бизнес» МЧЖ ва Ўзбекистон Республикаси товар-хом ашё биржаси (ЎзРТХБ) масъул ходимлари иштирокида Ўзбекистон Республикаси Президентининг 2018 йил 27 сентябрдаги ПҚ-3953-сонли “Ўзбекистон Республикаси «Давлат харидлари тўғрисида»ги Қонунини амалга ошириш чора-тадбирлари тўғрисида”ги Қарори ижросини таъминлаш мақсадида давлат харидлари сохасида электрон маълумот алмашинувини янада такомиллаштириш масалалари юзасидан йиғилиш бўлиб ўтди.

Ўзбекистон Республикаси Президенти Шавкат Мирзиёев раислигида 20 декабрь куни янги қабул қилинган солиқ сиёсати концепциясини амалиётга тўлиқ татбиқ қилиш масалалари бўйича видеоселектор йиғилиши ўтказилди.

Ўзбекистон Республикаси Президентининг қарори

2018 йил 18 декабрь куни Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитасида «Фойдаланилмаётган ишлаб чиқариш майдонлари: таҳлиллар, имкониятлар ва истиқболлар» мавзусида форум бўлиб ўтди.

Ўзбекистон Республикаси Ташқи савдо вазирлиги ҳамда «Ўзэкспомарказ» АЖ МКМ томонидан 84-Халқаро «Яшил ҳафталик - 2019» кўргазмасида Ўзбекистон стенди ташкил этилади. Кўргазма Берлин шаҳрида (Германия) 18-27 январь кунлари ўтказилади.

Маълумки, декабрь ойи бошида Саудия Арабистонида Ўзбекистон делегацияси Саудия инвестициялар бўйича агентлиги раиси Иброҳим ал-Умар ҳамда Саудия тараққиёт фонди маслаҳатчиси Юсуф ал-Бассам билан музокаралар ўтказган, унда савдо-иқтисодий ва инвестициявий соҳалардаги ҳамкорликни ривожлантиришнинг истиқболли йўналишлари муҳокама қилинган эди.

Жорий йил 10 декабрь куни Миллий матбуот марказида оммавий ахборот воситалари учун “Давлат харидлари тизимида шаффофликни таъминлаш ва рақобатни кучайтириш” мавзусида матбуот анжумани ўтказилди.

Ўзбекистон Республикаси Президентининг 2018 йил 19 сентябрдаги ПҚ-3946-сон қарори билан тасдиқланган Ўзбекистон Республикасида аудиторлик фаолиятини янада ривожлантириш бўйича чора-тадбирлар режасини амалга ошириш доирасида Ўзбекистон Республикаси Молия вазирлиги ҳамда бухгалтерлар ва аудиторлар профессионал жамоати томонидан бухгалтерия ҳисоби ва аудит соҳасидаги Россия ва халқаро аудиторлик ташкилотларининг етакчи мутахассислари иштирокида «Иқтисодиётнинг глобаллашуви шаротида бухгалтерия ҳисоби, таҳлил ва аудитни такомиллаштириш: назария, амалиёт, истиқбол» мавзусидаги Халқаро илмий-амалий конференция ўтказилди.

Ўзбекистон Республикаси Молия вазирлигида “Фуқаролар учун бюджет 2019” мавзусидаги тадбир давомида мутахассислар бюджет масалаларига оид маърузалар ўқиб, тақдимотлар ўтказмоқда. Ўзбекистонда 2019 йилдан бошлаб, фуқароларнинг бюджет тақсимотидаги иштирокини таъминлаш механизмлари жорий этилади. Унга кўра, шаҳар ва туманлар бюджетларининг энг камида 10 фоизлик қўшимча манбалари жамоатчилик фикри асосида шакллантирилади. 

Бирлашган Миллатлар Ташкилотининг Нью-Йорк шаҳридаги қароргоҳида 27 ноябрь куни БМТнинг Оролбўйи минтақаси учун Инсон хавфсизлиги бўйича кўп томонлама шериклик асосида Траст фонди фаолияти бошланишига бағишланган тадбир бўлиб ўтди. 

Ўзбекистон Республикаси Президентининг 2018 йил 21 ноябрдаги ПҚ-4023 сон қарори билан пахта техник чигити биржа савдолари орқали - мулкчилик шаклидан қатъий назар пахта чигитини қайта ишлаш қувватларига ва тегишли сертификатларга эга бўлган барча маҳаллий корхоналарга сотилиши тартиби жорий этилди.

2018 йил 17 ноябрь куни Ўзбекистон Республикаси Олий Мажлиси Қонунчилик палатасининг навбатдаги мажлиси бўлиб ўтди. Унда депутатлар Ўзбекистон Республикасининг 2019 йилги Давлат бюджети, давлат мақсадли жамғармаларининг бюджетлари ҳамда солиқ ва бюджет сиёсатининг асосий йўналишларини кўриб чиқдилар.