Қорақалпоғистон Республикасида “Ideaton” стартап ғоялар танлови бўлиб ўтди. Танловда  Ахборот технологиялари ва коммуникацияларини ривожлантириш вазирлиги Қорақалпоғистон Республикаси ҳудудий бошқармаси, ТАТУ Нукус филиали, IT Парк Қорақалпоғистон Республикаси филиали ва ёшлар иштирок этди.

Тошкент шаҳридаги Инҳа университетида “Ахборот жамиятида рақамли трансформаторнинг халқаро ўлчови” мавзусида “Ўзбекистон-Украина 2021” халқаро IT-форуми бўлиб ўтди.

IT Парк Қорақалпоғистон Республикаси филиали ходимлари томонидан IT соҳасига қизиқувчи ёшлар учун IT Паркнинг фаолияти,  "Бир миллион дастурчи" ва яқинда Нукус шаҳрида очиладиган янги инкубатсия маркази ҳақида тушинча бериб ўтилди.

Жиззах вилояти  Мирзачўл туманида жисмоний ва юридик шахслар учун Ўзбекистон Республикаси Ахборот технологиялари ва коммуникацияларини ривожлантириш вазирлиги Жиззах вилояти ҳудудий бошқармаси томонидан сайёр қабул ўтказилди.

Бугунги кунда юқори малакали кадрлар тайёрлаш ва уларни муносиб иш ўринлари билан таъминлаш масалаларига катта эътибор берилмоқда. Уларга жамиятда муносиб ўрин топишига кўмаклашиш ва ташаббус кўрсатиб меҳнат қилишини қўллаб-қувватлаш бўйича тизимли ишлар йўлга қўйилди. Шу билан бирга, самарали иқтисодий ислоҳотлар ҳамда интеллектуал салоҳият билан боғлиқ бўлган соҳалардаги бир қатор ижобий ўзгаришлар натижасида сезиларли муваффақиятларга эришилмоқда.

Тошкент шаҳридаги Инҳа университети томонидан Юнусобод туманидаги 220 сонли ҳамда Учтепа туманидаги 193 сонли мактаб ўқитувчилари учун “Таълим тизимини рақамлаштириш” мавзусида уч ойлик малака ошириш курслари бошланди.

“Open Data Challenge-2021” хакатони танловига  иштирок этиш учун қатнашчилар  жорий йилнинг 3 декабрьдан 5 декабрьгача очиқ маълумотлардан фойдаланган ҳолда онлайн форматда иловалар ишлаб чиқишлари талаб этилади.

Навоий вилоятининг Зарафшон шаҳри, Учқудуқ ва Томди туманларида аҳоли ва юридик шахслар учун Ахборот технологиялари ва коммуникацияларини ривожлантириш вазирлиги Навоий вилояти ҳудудий бошқармаси томонидан сайёр қабуллар ўтказилди. Ушбу сайёр қабулларда 250 нафар  аҳоли ва юридик шахс вакиллари қатнашди.

Тошкент вилоятининг Янгийўл туманидаги Рақамли технологиялар ўқув марказида тиббиёт ходимларининг IT соҳасида малакасини ошириш йўлга қўйилди.

“Соғлиқни сақлаш соҳасини комплекс ривожлантиришга доир қўшимча чора-тадбирлар тўғрисида”ги қарорга мувофиқ, тиббиёт соҳасини рақамлаштириш ва давлат хусусий шерикчиликни ривожлантириш бўйича бир қатор муҳим вазифалар белгиланган. Унга кўра,  ҳар бир оилавий шифокор пункти, оилавий поликлиника ҳамда туман (шаҳар) кўп тармоқли марказий поликлиникасида электрон тизим билан ишлайдиган бир нафардан IT оператор – ҳамшира лавозими киритилган.

Ахборот технологиялари ва коммуникацияларини ривожлантириш вазирлиги Жиззах вилояти ҳудудий бошқармаси ҳамда Ўзбекистон ахборот технологиялари ва оммавий коммуникация ходимлари касаба уюшмаси ҳамкорлигида ёшларни кичик бизнес ва хусусий тадбиркорликка кенг жалб қилиш, келажакда муносиб иш жойини топишларига кўмаклашиш мақсадида Жиззах вилоятидаги соҳа корхоналарида ишловчи ёшлар IT -Парк Жиззах филиали ҳамда Жиззах  Эркин иқтисодий зонасида ташкил этилган оптик толали кабел ва бошқа кабел маҳсулотларини ишлаб чиқаришга мўлжалланган “Global Optical Communication Uzbekistan” МЧЖ ҚКлари фаолияти билан яқиндан танишдилар.

Эндиликда  my.gov.uz портали орқали ҳар қандай солиқ мажбуриятларини масофадан ҳал қилиш ҳамда  қарздорлик ё‘қлигини тасдиқловчи ҳужжатни онлайн тарзда  юклаб олишингиз мумкин.

IT Парк Жиззах филиалида ташкил этилган  ўқув семинарида “Бир миллион дастурчи” лойиҳасини кенг тарғиб қилиш, туманларда ёшларни замонавий касбга йўналтириш ва уларни сифатли ва бепул онлайн масофавий таълимга жалб этиш, лойиҳанинг мазмун моҳияти тўғрисида батафсил маълумот берилди.

Тошкент вилояти Қибрай туманида Рақамли технологиялар ўқув маркази очилиб, ўз иш фаолиятини бошлади.

IT Парк Фарғона филиалида “Бир миллион дастурчи” лойиҳаси доирасида Фарғона вилояти ҳокимлиги билан ҳамкорликда вилоят ёшлари ўртасида семинар ташкил этилди.

IT Парк Қашқадарё вилояти минтақавий филиали ва Ахборот технологиялари ва коммуникацияларини ривожлантириш вазирлиги Қашқадарё вилояти ҳудудий бошқармаси томонидан Қамаши туманидаги 4 сонли Меҳрибонлик уйи тарбияланувчилари учун бепул IT курслар ташкил этилди.

Хоразм Маъмун академияси ижтимоий-гуманитар фанлар бўлими кичик илмий ходими Ражапов Мардонбек тарих фанидан амалдаги мактаб дарсликлари асосида ўқувчиларнинг билимини аниқлаш, уларни тизимлаштириш ва оширишга қаратилган янги мобиль илова яратди.

Бухоро вилоят ҳокимлиги, Ахборот технологиялари ва коммуникацияларни ривожлантириш вазирлиги Бухоро вилояти ҳудудий бошқармаси ва ИТ-Парк Бухоро филиали ҳамкорлигида “Бухоро IT-Expo” кўргазмаси бўлиб ўтди.