Хоразм Маъмун академияси ижтимоий-гуманитар фанлар бўлими кичик илмий ходими Ражапов Мардонбек тарих фанидан амалдаги мактаб дарсликлари асосида ўқувчиларнинг билимини аниқлаш, уларни тизимлаштириш ва оширишга қаратилган янги мобиль илова яратди.

TestPRO-Salom Mukammalik, деб номланувчи мазкур мобиль илова орқали тарих фанини замонавий ва мутлақо янгича форматда ўрганиш имкони бор.

Илованинг энг муҳим жиҳатлари - тарих фанидан барча синфлар ягона иловага жамлангани, ҳар бир синф 4 та босқичдан иборат экани, қўлланмада оффлайн тест, ёпиқ тест, онлайн тест мужассам эканида намоён бўлади.

Бундан ташқари, ҳар бир мавзуни ўрганиш бўйича 90 фоизлик натижага эриша олмасангиз кейинги мавзулар очилмайди.

Шунингдек, тестлар Давлат тест маркази андозаси бўйича тузилган бўлиб, унда расмли, картали ва турли хил диаграммалар орқали тузилган махсус тестлар жой олган. Бу ҳақда Ўзбекистон Фанлар академияси матбуот хизмати маълум қилмоқда.

Манба: ЎзА