O‘zbekiston Respublikasi axborot texnologiyalari va kommunikatsiyalarini rivojlantirish vaziri Azim Axmedxadjayev Koreyaning LG CNS kompaniyasi vitse-prezidenti Jong Vun Yul bilan uchrashdi. Uchrashuvda tomonlar mamlakatimizda amalga oshirilayotgan islohotlar jarayonida O‘zbekiston axborot texnologiyalari bozorining bugungi holati yuzasidan fikr almashdilar. Shuningdek, “LG CNS Uzbekistan” qo‘shma korxonasi faoliyatini qo‘llab-quvvatlash hamda LG CNS kompaniyasi imkoniyatlari va tajribasidan foydalanish, o‘zaro manfaatli hamkorlik masalalari muhokama qilindi.

O‘zbekistonlik qizlar jamoasi yurtimiz tarixida ilk marotaba Technovation Challenge 2018 xalqaro tanlovida ishtirok etish huquqini qo‘lga kiritdi.

Bugun poytaxtimizda Xalqaro elektraloqa ittifoqining MDH hamda Osiyo-Tinch okeani mintaqasi mamlakatlari uchun “Salmoqli ma’lumot va “bulutli hisoblash””mavzusida hududiy seminari ish boshladi. Tadbir Axborot texnologiyalari va kommunikatsiyalarini rivojlantirish vazirligi bilan hamkorlikda tashkil qilinmoqda.

O‘zbekiston Respublikasi Axborot texnologiyalari va kommunikatsiyalarini rivojlantirish vaziri Azim Axmedxadjayevning Facebook tarmog‘idagi sahifasi (https://www.facebook.com/a.akhmedkhadjaev/) rasmiy maqomga ega bo‘ldi.

2018 yilning 6 iyun kuni Axborot texnologiyalari va kommunikatsiyalarini rivojlantirish vazirligida Qozog‘iston Respublikasining O‘zbekistondagi favqulodda va muxtor elchisi Utembayev Yerik Miltikbayevich bilan uchrashuv bo‘lib o‘tdi.

O‘zbekiston Respublikasining Yagona interaktiv davlat xizmatlari portalida fuqarolarga qulaylik yaratish maqsadida manzil-ma’lumot axborotlarini taqdim etishga mo‘ljallangan yangi xizmat joriy etildi. Ushbu davlat xizmati jismoniy shaxslarga fuqarolarning O‘zbekiston Respublikasi hududida yashash uchun ro‘yxatga olinganligini tasdiqlovchi ma’lumotnomani olish bo‘yicha elektron ariza taqdim etish imkonini beradi.

Shu yilning 4 may kuni Axborot texnologiyalari va kommunikatsiyalarini rivojlantirish vaziri Azim Axmedxadjayev mobil aloqa operatorlari va internet-provayderlari bilan davra suhbati o‘tkazdi. Tadbirda aloqa, axborotlashtirish va telekommunikatsiya xizmatlari sifatini yaxshilash masalalari muhokama etildi.

Muhammad al-Xorazmiy nomidagi Toshkent axborot texnologiyalari universiteti mutaxassislari tomonidan "Tashkent city" veb-sayti ishlab chiqildi.

27 aprel kuni Axborot texnologiyalari va kommunikatsiyalarini rivojlantirish vaziri Azim Axmedxadjaev Yaponiyaning O‘zbekiston Respublikasidagi Favqulodda va Muxtor elchisi Nobuaki ITO bilan uchrashdi.

O‘zbekiston Respublikasi axborot texnologiyalari va kommunikatsiyalarini rivojlantirish vaziri Azim Axmedxadjayev dunyoga mashhur «World of Tanks», «World of Warplanes», «World of Warships» kompyuter o‘yinlarini taqdim etgan «Wargaming» kompaniyasi (Belarus) vakillari bilan uchrashdi.

Turkmaniston Prezidenti Gurbanguli Berdimuhamedovning O‘zbekistonga davlat tashrifi doirasida O‘zbekiston Respublikasi axborot texnologiyalari va kommunikatsiyalarini rivojlantirish vazirligi hamda Turkmaniston aloqa vazirligi o‘rtasida ikki mamlakat radioxizmatlari foydalanadigan 29,7 – 960 MGs radiochastota polosasidagi o‘zlashtirilgan radiochastotalarni o‘zaro muvofiqlashtirishning texnik asoslari bo‘yicha bitim imzolandi. Hujjat Radiochastotalar bo‘yicha respublika kengashi qarori asosida ikki mamlakat hukumati o‘rtasidagi shu nomdagi amaldagi bitim doirasida tayyorlandi.

O‘zbekiston Respublikasi Prezidenti Shavkat Mirziyoyevning 2017-yil may oyida Xitoy Xalq Respublikasiga qilgan davlat tashrifi doirasida “Umumta’lim maktablarining 5-9-sinflarida informatika va chet tili fanlarini o‘qitishning sifatini oshirish (1-bosqich)” loyihasini amalga oshirish uchun grant mablag‘larini ajratish bo‘yicha kelishuv amalga oshirildi.

Namangan shahar Bandlikka ko‘maklashish markazi tomonidan joriy yilning 17 aprel kuni Namangan muxandislik texnologiya institutida oliy o‘quv yurti bitiruvchilari va ish bilan band bo‘lmagan aholi, jumladan uyushmagan yoshlar, ayollar va chet davlatlaridan qaytgan fuqarolarni ish bilan ta’minlash maqsadida bo‘sh ish o‘rinlari mehnat yarmarkasi o‘tkazildi.

Joriy yilning 15 - 21 aprel kunlari Koreya axborotlashgan jamiyatni rivojlantirish instituti (KISDI) muassasasi mutaxassislardan iborat delegatsiya mamlakatimizda bo‘lib, O‘zbekistonda dasturiy ta’minot bozori hamda startap loyihalarni rivojlantirish masalalariga bag‘ishlangan uchrashuvlarda ishtirok etmoqda.

Bugun O‘zbekiston Respublikasi Axborot texnologiyalari va kommunikatsiyalarini rivojlantirish vaziri Azim Axmedxadjayev Rossiya Federatsiyasi Aloqa va ommaviy kommunikatsiyalar vaziri o‘rinbosari Aleksey Volinni qabul qildi. 

Endi respublikamizda sil kasalligini davolash va tashxis qo‘yishda masofadan turib maslahatlashish imkoni yaratildi. O‘zbekiston Sog‘liqni saqlash vazirligi, AQSH Xalqaro Taraqqiyot Agentligi (YUSAID) va Respublika ixtisoslashtirilgan ftiziatriya va pulmonologiya ilmiy-amaliy tibbiyot markazi bilan hamkorlikda Toshkent shahrida ochilgan Innovatsion masofaviy o‘qitish va monitoring markazi ana shunday imkoniyatni ham taqdim eta oladi.

Bugun Axborot texnologiyalari va kommunikatsiyalarini rivojlantirish vaziri Azim Axmedxadjayev Butunjahon bankining Transport va raqamli rivojlanish bo‘yicha xalqaro amaliyot bo‘linmasi direktori Frans Driz-Kross boshchiligidagi delegatsiyani qabul qildi.