Namangan shahar Bandlikka ko‘maklashish markazi tomonidan joriy yilning 17 aprel kuni Namangan muxandislik texnologiya institutida oliy o‘quv yurti bitiruvchilari va ish bilan band bo‘lmagan aholi, jumladan uyushmagan yoshlar, ayollar va chet davlatlaridan qaytgan fuqarolarni ish bilan ta’minlash maqsadida bo‘sh ish o‘rinlari mehnat yarmarkasi o‘tkazildi.

O‘tkazilgan mehnat yarmarkasida 35 ta korxona va tashkilotlar 764 ta bo‘sh ish o‘rinlari bilan ishtirok etdilar. Yarmarka doirasida jami 352 nafar fuqarolar ishtirok etdi va ularning 205 nafariga ishga joylashish uchun yo‘llanmalar berildi.

Xususan yarmarkada ishtirok etgan 134 nafar fuqarolarga mehnat qonunchiligi bo‘yicha tushunchalar berilib, bo‘sh ish o‘rinlarida belgilangan kafolatlar va ishtiyozlar yuzasidan maslaxatlar berildi.

Mehnat yarmarkasi davomida 13 nafar fuqarolarni Tashqi mexnat migratsiyasi tomonidan ro‘yxatga olindi.