Буннан саррас жигирма алты жыл бурын Биринши Президентимиз, уллы мәмлекетлик ҳәм сиясий ғайраткер, өзбек халқының атақлы перзенти Ислам Кәримов Өзбекистан Республикасының мәмлекетлик ғәрезсизлигин жәриялаған еди.

Елимиз ғәрезсизлигиниң 26 жыллығы мүнәсибети менен Өзбекистан Республикасы Президенти Шавкат Мирзиёевтың атына шет мәмлекетлер менен ҳүкиметлерден, абыройлы халықаралық шөлкемлердиң басшыларынан шын жүректен қутлықлаўлар келмекте. Оларда мәмлекетимиз басшысына ығбал-бахыт, аманлық ҳәм табыслар, Өзбекистан халқына тынышлық-татыўлық, раўажланыў менен абаданлық тилеп, шын кеўилден жақсы тилеклер билдирилген.

Өзбекистан Республикасы Президенти Шавкат Мирзиёев 27-август күни Самарқанд қаласында «Шарқ тароналари» халықаралық музыка фестивалында ҳәм «Жәҳән прогресси тарийхында Орайлық Азия Ренессансы» халықаралық әнжуманында  қатнасыў ушын елимизде болып турған БМШ Жәҳән туристлик шөлкеминиң бас хаткери Талеб Рифаиди қабыл етти.

2017-жыл 25-август күни Ташкент қаласында Өзбекистан Республикасы Олий Мажлиси Сенатының он биринши жалпы мәжилиси өз жумысын даўам еттирди.