Өзбекистан Республикасы менен Болгария Республикасы арасында дипломатиялық қатнасықлар орнатылғанының 25 жыллығы мүнәсибети менен еки мәмлекет басшылары бир-бирин қутлықлады.

Өзбекистан Республикасы Президенти Шавкат Мирзиёевтиң 10-сентябрь күни Астана қаласында болып өткен Ислам бирге ислесиў шөлкеминиң Илим ҳәм технологиялар бойынша биринши саммитинде шығып сөйлеген сөзи сырт елдиң ғалаба хабар қуралларында үлкен қызығыўшылық оятты. Оларда мәмлекетимиз басшысының сөзинде билдирилген тийкарғы пикирлерге айрықша итибар қаратылған көплеген материаллардың басып шығарылғаны да буннан дәрек береди.

2017-жыл 11-сентябрь күни Өзбекистан Республикасы Олий Мажлиси Нызамшылық палатасының гезектеги мәжилиси болып өтти. Депутатлар Мәмлекетлик бюджеттиң ҳәм мәмлекетлик мақсетли қорлары бюджетлериниң усы жылдың 8 ярым жыллығындағы орынланыў жуўмақларын көрип шықты.

Өзбекистан Республикасы Президенти Шавкат Мирзиёев 9-сентябрь күни Қытай Коммунистлик партиясы Орайлық комитети сиясий-ҳуқықый комиссиясының хаткери, Өзбекистан – Қытай ҳүкиметлераралық бирге ислесиў комитетиниң жәрдемши баслығы Мэн Цзяньчжу басшылығындағы Бирликтеги комитеттиң гезектеги мәжилисинде қатнасыў ушын елимизге келген Қытай Халық Республикасы ҳүкимети делегациясын қабыл етти.

Өзбекистан Республикасы Президенти Шавкат Мирзиёев Қазақстан Республикасы Президенти Нурсултан Назарбаевтың мирәт етиўине бола 2017-жылдың 9-10-сентябрь күнлери Қазақстанда болады ҳәм Ислам бирге ислесиў шөлкеминиң Илим ҳәм технологиялар бойынша биринши саммитинде қатнасады.

Бурын хабар етилгениндей, Өзбекистан Республикасы Президенти Шавкат Мирзиёев Қырғызстан Республикасы Президенти Алмазбек Атамбоевтың мирәт етиўине бола 5-6-сентябрь күнлери мәмлекетлик сапар менен усы елде болды.