Өзбекстан Республикасы Президенти Шавкат Мирзиёев 22-октябрь күни Өзбекстанда АҚШ бизнеси ҳәптелиги илажларында қатнасыў ушын елимизге келген Америка-Өзбекстан саўда палатасының баслығы Кэролин Лэмм басшылығындағы делегацияны қабыл етти.

Өзбекстан Республикасы Президенти Шавкат Мирзиёев Қазақстан Республикасы Президенти Нурсултан Назарбаевтиң мирәт етиўи бойынша 20-октябрь күни Өзбекстан, Россия ҳәм Қазақстан мәмлекет басшыларының рәсмий емес ушырасыўында қатнасыў ушын әмелий сапар менен Қазақстанның Түркистан ўәлаятында болды.

Президент Шавкат Мирзиёевтиң басламасы менен еки тәреплеме қатнасықлар тарийхында биринши мәрте «Өзбекстан-Россия» аймақлараралық форумы шөлкемлестирилди. «Өзэкспоорай»да болып өткен форумда Россия аймақлары, жетекши компаниялары менен өндирис кәрханаларының басшылары-жәми мыңнан аслам адам қатнасты.

Россия Федерациясының Татарстан Республикасы Президенти Рустам Минниханов басшылығындағы делегация 18-октябрь күни мәмлекетимизде жумыс алып барып атырған татар миллий мәдений орайларының белсендилери менен ушырасты.

Өзбекстан Республикасы Президенти Шавкат Мирзиёевтиң мирәт етиўи бойынша Россия Федерациясы Президенти Владимир Путин мәмлекетлик сапар менен елимизге келди.