Өзбекстан Республикасы Президенти Шавкат Мирзиёев Түркия Президенти Режеп Таййип Эрдоғанды 29-октябрь – Республика байрамы мүнәсибети менен қутлықлады.

Президент Шавкат Мирзиёев Индонезияның «Lion Air»  компаниясына тийисли самолёттың қулаўы ақыбетинде көплеген инсанлардың қурбан болыўына байланыслы  мәмлекет Президенти Жоко Видодоға ҳәм Индонезия халқына терең кеўил билдирди.

Ташкент қаласында халық ушын қолайлы шараятлар жаратыў, сапалы транспорт хызметлерин көрсетиў көлемин кеңейтиў ҳәм дүньяның раўажланған мәмлекетлеринен қалыспайтуғын метрополитен хызметин раўажландырыў бойынша кең көлемли жумыслар әмелге асырылмақта. Заманагөй көпирлер, жол өткеллери қурылмақта.

Өзбекстан Республикасы Президенти Шавкат Мирзиёев 24-октябрь күни жоқары билимлендириў тараўын буннан былай да раўажландырыў, кадрлар таярлаўдың сапасын арттырыў, илим ҳәм өндирис интеграциясын кеңейтиў мәселелерине бағышланған мәжилис өткерди.