2015-06-10

Илаж Өзбекистан Республикасы Министрлер Кабинетиниң 2015-жыл 13-марттағы “2015-жылда Халықаралық санаат ярмаркасы ҳәм Кооперация биржасын шөлкемлестириў ҳәм өткериў ис-илажлары ҳаққында”ғы қарарына муўапық өткериледи.

Тармақлық санаат ярмаркасы ҳәм кооперация биржасын өткериўден тийкарғы мақсет ислеп шығарыў ҳәм қайта исленген шийки зат, материал ҳәм аўысық бөлеклер, таяр өнимлерди өткерип бериўде узақ муддетли хожалық қатнасықларын кеңейтиў, тармақлық ҳәм тармақлар аралық кооперацияны раўажландырыў тийкарында жаңа түрдеги санаат өнимлерин өзлестириў, мамлекетимизде өним ислеп шығарыўды шөлкемлестириўди режелестирип атырған сырт еллик бирге ислесиўшилер ҳәм болажақ қарыйдарларды тартыўда кәрханаларға жәрдемлесиўден ибарат.