2019 йилнинг 3-6 октябрь кунлари Туркий тилли давлатлар ҳамкорлик кенгашининг Бош котиби Боғдод Амреев Ўзбекистонга ташриф буюради.

Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги манфаатдор вазирлик ва идоралар билан ҳамкорликда "Tashkent Book Fest" халқаро китоб кўргазмасини ташкил этмоқда.

«ICTWEEK Uzbekistan 2019» ахборот-коммуникация технологиялари ҳафталиги — ахборот технологиялари соҳасида 2004 йилдан бери ҳар йили ўтказиб келинаётган йирик ва муҳим тадбир. Ҳафталик Саммит, Форум, Кўргазма, матбуот анжуманлари, тақдимотлар, акциялар, мукофотлаш ва бошқа кўплаб тадбирларни ўз ичига олади.

Ўзбекистон Республикаси Ташқи ишлар вазири Абдулазиз Камилов бошчилигидаги делегация 2019 йилнинг 21-29 сентябрь кунлари АҚШга ташриф буюради ва БМТ Бош Ассамблеясининг 74-сессиясида, жумладан Эътиқод эркинлигини ҳимоя қилиш Глобал чақируви тақдимотига бағишланган юқори даражадаги тадбирда, Иқлим таъсирлари бўйича БМТ Саммитида, “Марказий Осиё - АҚШ” (“C5+1”) шаклида ва Осиёда ҳамкорлик ва ишонч чоралари бўйича кенгашининг (ОҲИЧК) вазирлар учрашувларида иштирок этади ҳамда Нью Йорк шаҳрида хорижий мамлакатлар делегациялари билан қатор икки томонлама учрашувлар ўтказади.

2019 йилнинг 17 сентябрь куни Ўзбекистон Республикаси ва Иордания Ҳошимийлар Қироллиги делегациялари ўртасида вазирликлараро сиёсий маслаҳатлашувлар бўлиб ўтади.

2019 йилнинг 15-16 сентябрь кунлари Ўзбекистон Республикаси Ташқи ишлар вазирининг ўринбосари Дилшод Ахатов бошчилигидаги делегация Миср Араб Республикасига ташриф буюради.

2019 йил 13-14 сентябрь кунлари Наманган вилоятида яна бир йирик анжуман - “XXI асрда тиббиёт ва фармацевтикани ривожлантиришда инвестиция ва инновацияларнинг роли" мавзуидаги Халқаро тиббиёт ва фармацевтика форуми ўтказилади.

2019 йил 11-13 сентябрь Ёшлар саройида Хитойнинг "Халқаро муҳандислик ва машинасозлик ускуналари кўргазмаси" бўлиб ўтади.

Ўзбекистон Республикаси Президентининг 2018 йил 1 ноябрдаги 3991-сонли қарорига асосан 10-15 сентябрь кунлари Фарғона вилоятининг Қўқон шаҳрида биринчи халқаро ҳунармандлар фестивали бўлиб ўтади. Фестиваль ҳар икки йилда бир маротаба ўтказилиши белгиланган. Фестивалга кўп давлатлардан турли йўналишлар бўйича ҳунармандлар ташриф буюрадилар.

Ўзбекистон Республикасининг асосий миллий байрами - Мустақиллик кунидир. Ушбу байрам 1 сентябрь куни маросимли ва ранг-баранг шаклда нишонланади. Миллий байрам дўстлик, хайрия ва ҳар томонлама ҳурматга таянган ўзбек халқининг барча орзуларини намоён этадиган байрамдир.