Өзбекстан Республикасы Президенти Шавкат Мирзиёев 17-ноябрь күни Қазақстан Республикасы Президенти Қасым-Жомарт Тоқаев пенен телефон арқалы сөйлести.

Өзбекстан – Қазақстан стратегиялық шериклик қатнасықларын буннан былай да раўажландырыў ҳәм көп қырлы бирге ислесиўди кеңейтиўдиң әҳмийетли мәселелери көрип шығылды.

Әмелий бирге ислесиўди алға қойыў, бәринен бурын, еки тәреплеме товар алмасыў көлемин арттырыў, машина қурылысы, энергетика, аўыл хожалығы, транспорт ҳәм логистика, фармацевтика, тоқымашылық ҳәм азық-аўқат санааты, басқа да тийкарғы бағдарларда узақ мүддетли кооперация жойбарларын таярлаў ҳәм әмелге асырыў мәселелерине айрықша итибар қаратылды.

Буннан тысқары, аймақлараралық байланыслар ҳәм мәдений-гуманитарлық алмасыўды жеделлестириў әҳмийетли екени атап өтилди.

Еки мәмлекет ҳүкиметлери тәрепинен өз-ара пайдалы бирге ислесиўдиң жаңа бағдарлары ҳәм анық бағдарламаларының ислеп шығылыўы бойынша келисимге ерисилди.

Мәмлекет басшылары болажақ жоқары дәрежедеги ушырасыўлар режесин де көрип шықты.

Дерек: Қарақалпақстан хабар агентлиги