Өзбекистан Республикасы Президенти Шавкат Мирзиёев wt-май күни Саўда-экономикалық бирге ислесиў бойынша ведомостволарара комиссияның төртинши мәжилисинде қатнасыў ушын елимизге сапар менен келген Түркия Республикасы Бас министри орынбасары Йилдырым Туғрул Түркешти қабыл етти.

Мәмлекетимиз басшысы мийманды қутлықлап, сиясий, саўда-экономикалық, инвестициялық ҳәм мәдений гуманитар тараўлардағы өзара бирге ислесиў ҳәм сөйлесиўлер қанаатланыў менен атап өтти.

      Түркия Президенти Режеп Тайып Эрдоғанның 2016-жыл 17-18- ноябрь күнлери Самарқанд қаласына сапары даўамында ҳәм усы жыл 14-май күни Пекин қаласында өткен «Бир мәкән, бир жол» халықаралық форумы шеңберинде жоқары дәрежедеги нәтийжели ушырасыўлар еллеримиз арасындағы кең көлемли ҳәм өзара пайдалы бирге ислесиўди еле де раўажландырыў ушын жоқары темп бағышлағаны ҳәм жаңа имкәниятлар жаратқаны атап өтилди.

      Ушырасыўда Өзбекистанда тоқымашылық, тери, химия ҳәм фармацевтика тараўлары, қурылыс материаллары санааты, аўыл хожалығы өнимлери терең қайта ислеў ҳәм басқа бағдарларда, соннан «Ургут» еркин экономикалық зонасы ишинде жоқары технологиялы заманагөй кәрханаларды шөлкемлестириў бойынша анық жойбарларды биргеликте әмелге асырыў ушын Түркияның жетекши компаниялары менен әмелий бирге ислесиўди кеңейтириў мәселелерине айрықшы итибар қаратылды.

      Туризм тараўында өзара бирге ислесиў, атап айтқанда, заманагөй туристлик объектлери инфраструктурасын раўажландырыў, биргеликте туризм товарларын мирәт етиў, тараўда қәнийгели кадрлар тарлаў бойынша үлкен потенциал барлығы атап өтилди.

      Ташкентте Өзбекистан ҳәм Түркия компания ҳәм де кәрханалары қатнасыўында болып өткен Саўда-экономикалық бирге ислесиў бойынша ведомостволарара комиссияның нәўбеттеги мәжилиси ҳәм Инвестиция форумы нәтийжелери, өзара шерикликтиң перспективалы бағдарлары ҳәм 2 миллиард долларлық бирге ислесиў жойбарлары белгиленгени қанаатланыў менен атап өтилди.

      Йилдырым Туғрул Түркеш Президентимиз Шавкат Мирзиёевқа шын жүректен қабыл еткени ушын миннетдаршылық билдирди ҳәм Түркия Президенти Режеп Тайып Эрдоғанның жоқары ҳүрмети ҳәм жақсы тилеклерин жеткизди. Түркия Бас министри орынбасары Түркия компанияларының елимизде хызмет көрсетиўи қоллап-қуўатлап атырғанлығы ҳәм жаратылған қолай шәраятлар ушын Туркия басшылығы атынан миннетдаршылық билдирди ҳәм кең көлемли өзара бирге ислесиўди еледе раўажландырыўға таяр екенин атап өтти.

ӨзА