2016 жыл 5 октябрь күни Ѳзбекистан Республикасы Президенти ўазыйпасын атқарыўшы Шавкат Мирзиёев пенен Тажикистан Республикасы Президенти Имомали Рахмонның телефон арқалы сөйлесиўи болып өтти.

Сөйлесиў даўамында өзбек ҳәм тажик халқларын ўақыт ҳәм тарийх сынағынан өткен көп әсирлик достлық ӽәм бирге ислесиў қатнасықлары байланыстырып турыўы, бул жақын қонсышылық, өзара ӽүрмет ӽәмде биреў-биреўиниң мәплерин итибарға алған ҳалда буннан кейин ҳәм нәтийжели бирге ислесиў ушын қолай ӽәм беккем тийкар жаратылғанлығы айтып өтилди.

Шавкат Мирзиёев Ѳзбекистан Республикасының Биринши Президенти, заманагөй Ѳзбекистан-Тажикистан қатнасықларына тийкар салған Ислом Каримов қазасы мунәсебети менен Самарқанд қаласында ѳткерилген жерлеў дәстүринде жекке өзиниң қатнасқаны ушын ҳәм Ѳзбекистан халықына ҳәмдәртлик билдиргени ушын Тажикистан Президентине миннетдарлық билдирди.

Сѳйлесиў даўамында Шавкат Мирзиёев ҳәм Имомали Раҳмон буннан кейин ҳәм ашық ҳәм кең кѳлемли сөйлесиўлерди даўам еттирилиўин, Ѳзбекистан ҳәм Тажикистанлық турли дәрежедеги соңғы сөйлесиўлер даўамында қоллап-қуўатланган усыныс ҳәм келисиўлер еки мәмлекет халыкларының парахатшылығы, аймакда тынышлык ҳәм тураклылык өзара бирге ислесиўди жәнеде беккемлеў саласындагы ўазыйпаларды биргеликте басқышпа-басқыш әмелге асырыўға имканият берилиўине исеним билдирдилер.