Өзбекистан Республикасы Президентиниң пәрманы

Елимиздиң экономикалық потенциалын арттырыў ҳәм реформаларды табыслы әмелге асырыў жумысларындағы үлкен хызметлери, көп жыллық жемисли мийнети менен аўыл ҳәм суў хожалығы, санаат, транспорт, байланыс ҳәм қурылыс салаларын раўажландырыўға қосқан салмақлы үлеси және жәмийетлик турмыстағы белсендилиги ушын төмендегилерге ҳүрметли атақлар берилсинҮ

Қарақалпақстан Республикасы бойынша:

«Өзбекистан Республикасына мийнети сиңген санаат хызметкери»

Жураев Тулаган Тошпулатович – «Үстирт газ-химия комплекси» Өзбекистан-Корея қоспа кәрханасы басқармасы  баслығының биринши орынбасары

Ўатанымыздың ғәрезсизлигин беккемлеў, оның экономикалық қүдиретин арттырыў, жас әўладты ана-Ўатанға муҳаббат, ғәрезсизлик идеяларына садықлық руўхында тәрбиялаў жумысларына қосқан мүнәсип үлеси, пидәкерлик мийнети, ўатансүйиўшилиги ҳәм жәмийетлик турмыстағы белсендилиги менен ел-журт ҳүрмет-иззетине сазаўар болғанлығы ушын төмендегилер сыйлықлансын:

«Ел-журт ҳүрмети» ордени менен

Джумабеков Жали Исакович – Нөкис мәмлекетлик педагогикалық институты жанындағы 1-санлы академиялық лицейдиң физика пәни оқытыўшысы

«Пидәкерлик хызметлери ушын» ордени менен

Палымбетов Садатдин Зиуаддинович – «Үстирт газ-химия комплекси жойбарластырылған объектлерин қурыў ҳәм Сүргил газ конденсат кәнин өзлестириў дирекциясы» унитар кәрханасының инфраструктура объектлерин жойбарластырыў ҳәм қурылыс департаменти баслығы

«Меҳнат шуҳрати» ордени менен

Курбаниязов Аитмурат Сейдабуллаевич – «Өзбекистан темир жоллары» акционерлик жәмийетиниң Қоңырат локомотив депосы тепловоз машинисти

«Дослық» ордени менен

Абибуллаев Куатбай Артикбаевич – «Тақыятас ыссылық электр станциясы» акционерлик жәмийетиниң қазан турбина цехы баслығы

«Шуҳрат» медалы менен

(100 жастан асқанлар)

Есемуратова Алмахан – Шымбай районы

«Жасорат» медалы менен

Утепова Дамегул Камаловна – Қоңырат районындағы 19-санлы мектепке шекемги билимлендириў мәкемесиниң есапшысы

«Шуҳрат» медалы менен

Бекназаров Байрам Ерназарович – «Төменги Әмиўдәрья» ирригация тармақлары бассейн басқармасының «Қуўаныш-жарма» ирригация тармағы басқармасының инженерии

Бекниязов Ергали Ниетуллавич – «Өзбекгеофизика» акционерлик жәмийетиниң «Үстирт геофизика экспедициясы» филиалының дала партиясы баслығы

Буранов Курал Айтбаевич – «Үстирт газ-химия комплекси жойбарластырылған объектлерин қурыў ҳәм Сүргил газ конденсат кәнин өзлестириў дирекциясы» унитар кәрханасының инфраструктура объектлерин жойбарластырыў ҳәм қурылыс департаментиниң жетекши инженери

Данияров Абатбай Сапарбаевич – «Камолот» жаслар жәмийетлик ҳәрекети Қарақалпақстан Республикалық Кеңесиниң баслығы

Джарилкаганова Гулистан Сарсенбаевна – Қараөзек районындағы «Гулистан» фермер хожалығының баслығы

Жаксимуратов Ислам Махсетбаевич – «Үстирт газ-химия комплекси жойбарластырылған объектлерин қурыў ҳәм Сүргил газ конденсат кәнин өзлестириў дирекциясы» унитар кәрханасының инфраструктура объектлерин жойбарластырыў ҳәм қурылыс департаментиниң бас қәнигеси

Калилаев Юсуф Азбергенович – «Өзнефтьгазқазыпшығарыў» акционерлик компаниясы «Үстиртгаз» жуўапкершилиги шекленген жәмийетиниң бураўлаўшысы

Кошимбетова Кутли Абдуллаевна – Қоңырат районындағы «Қарақалпақстан» посёлкалық пуқаралар жыйыны баслығы

Раманов Тайир Сапарбаевич – «Өзэлектромонтаж» акционерлик жәмийетиниң «Нөкис электромонтаж» жуўапкершилиги шекленген жәмийетиниң электр монтажлаўшысы

Өзбекистан Республикасы

Президенти                                        И.КӘРИМОВ

 Ташкент қаласы,

 2016-жыл 24-август