Bul haqqında rayon elektr támiyinlewshi kárxanasınıń baslıǵı T. Saypnazarov tómendegishe málim etti.

Ózbekstan Respublikası Ministrler Kabinetiń 2019-jıl 16- yanvardaǵı "Qaraqalpaqstan Respublikasınıń Moynaq rayonın kompleksli sociallık-ekonomikalıq rawajlandırıw ilajları haqqında"ǵı 37 sanlı kararına muwapık aymaktı elektr kuwatı menen támiyinlewdi jaqsılaw maqsetinde jıldıń ótken altı ayı dawamında 4 orında transformator punkti ornatıldı.

Rekonstrukciya jumısların alıp bara otırıp 32, 5 km 10-0.4 kv hawa liniyası tartıldı. Sonday-aq,  rayonlıq elektr támiyinlewshi kárxanasınıń janadan salınıp atırǵan 3 qabatlı imaratında xalıqqa xızmet kórsetetuǵın internet kafe hám asxana bolıwı názerde tutılıp,  ol jaqın arada xalıqqa xızmet kórsetip baslaydı.

Sonıń menen bir qatarda "Abat awıl" mámleketlik baǵdarlamasınıń rayon aymaǵındaǵı orınlanıwın támiyinley otırıp,  rayonımızdaǵı "Hákim ata" hám "Qazaqdárya" awıl puqaralar jıyınlarındaǵı elatlı punktlerde jaylasqan jámi 12 transformator punktlerinde iri onlaw jumısları alıp barıldı. Sonday-aq,  janadan 2, 5 kilometr 10-0, 4 KV Xaus liniyası tartıldı.

Atap ótilgen jumıslardıń ámelge asırılıwına jámi 4 milliard 178 million 800 mıń sum muǵdarında qarjı jumsaldı. Royon xalqın elektr quwatı menen tamiyinlewdi jaksılaw jumısları bunnan bılay da dawam ettiriledi.