21-январь күни Бельвю сарайында Өзбекстан Республикасы Президенти Шавкат Мирзиёевти Германия Федеративлик Республикасы Президенти Франк-Вальтер Штайнмайер күтип алды.

Мәмлекетимиз басшысы ҳүрметли мийманлар китабына қол қойды.

Жоқары мәртебели мийманды рәсмий күтип алыў мәресими болды. Президентимиздиң ҳүрметине ҳүрметли қараўыл сап тартты. Өзбекстан ҳәм Германияның мәмлекетлик гимнлери жаңлады.

Президентлер ҳүрметли қараўыл алдынан өтти.

Сөйлесиўдиң басында Шавкат Мирзиёев Франк-Вальтер Штайнмайерди усы жылдың май айында белгиленетуғын Германия Федеративлик Республикасы дүзилгениниң 70 жыллығы менен қутлықлады.

Дерек: Қарақалпақстан хабар агентлиги