Mamlakatimizning Ukrainadagi diplomatik vakolatxonasi tashabbusi bilan 2018-yilning 6-iyun kuni Kiyev shahrida “O‘zbekiston va Ukraina: iqtisodiy aloqalarni rivojlantirish istiqbollari" mavzusida O‘zbekiston-Ukraina iqtisodiy forumi bo‘lib o‘tadi.

Joriy yilning 5-8-iyun kunlari Toshkent shahrida «Atrof-muhitni himoyalash va barqaror rivojlanish borasida hamkorlikni mustahkamlash» mavzuida Markaziy Osiyo xalqaro ekologiya forumi bo‘lib o‘tadi. 

Butun dunyo bo‘ylab, har yilning 1 iyun kuni “Butun jahon bolalarni himoya qilish kuni” sifatida nishonlanadi. Ushbu bayram ko‘pchilik davlatlarda “Xalqaro bolalar huquqlarini himoya qilish kuni” sifatida ham e’tirof etiladi.

Toshkent shahar hokimining qaroriga muvofiq, 2018 yil 31 may kuni soat 15.00da xalq deputatlari Toshkent shahar Kengashining navbatdagi o'ttiz ettinchi sessiyasi  bo'lib o'tadi.

Bugungi kunga kelib “Uzbekistan Agrotech Expo–2018” Respublika qishloq xo‘jaligi uchun zamonaviy uskunalar va texnologiyalar halqaro ihtisoslashtirilgan ko‘rgazma yarmarkasi va qishloq xo‘jaligi texnikasi va mashinalari ko‘rgazmasi “Uzbekistan Agromash Expo–2018” Respublikamizda o‘tkazib kelinayotgan ko‘rgazmalar safida o‘z o‘rniga ega sanaladi.

O‘zbekiston Respublikasi Bosh vaziri Abdulla Aripov boshchiligidagi delegatsiyasi 2018-yilning 31-may – 1-iyun kunlari Dushanbe shahrida bo‘lib o‘tadigan Mustaqil Davlatlar Hamdo‘stligi Hukumat rahbarlari kengashining navbatdagi majlisida ishtirok etadi.

2018-yilning 28-30-may kunlari O‘zbekiston Respublikasi Tashqi ishlar vaziri Abdulaziz Kamilov amaliy tashrif bilan Rossiyada bo‘ladi va “Primakov o‘quvlari” an’anaviy xalqaro forumida ishtirok etadi hamda nutq so‘zlaydi.

O'zbekiston Respublikasi Prezidentning Afg'oniston bo'yicha maxsus vakili Ismatulla Irgashev boshchiligidagi delegatsiya 2018-yilning 28-may kuni Pekin shahrida bo'lib o'tadigan "ShHT - Afg'oniston" Aloqa guruhining navbatdagi majlisida ishtirok etadi.

O‘zbekiston Respublikasi Prezidenti Shavkat Mirziyoyevning 2017-yil 13-sentyabrdagi “Kitob mahsulotlarini nashr etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ‘ib qilish bo‘yicha kompleks chora-tadbirlar dasturi to‘g‘risida”gi PQ-3271-son qarorida belgilab berilgan vazifalar ijrosini ta’minlash maqsadida O‘zbekiston Matbuot va axborot agentligi tomonidan 2018-yil 24-25 may kunlari “Kitobxonlik madaniyatini yuksaltirish buyuk maqsadlarimizga erishishning muhim kafolatidir” shiori ostida Qoraqalpog‘iston Respublikasi va viloyatlar markazlari hamda Toshkent shahrida Respublika “Kitob bayrami” tadbirlari o‘tkaziladi. 

2018 yilning 22 mayida Toshkent shahridagi Inha universiteti (“B” korpus) da O‘zbekiston Respublikasi Axborot texnologiyalari va kommunikatsiyalarini rivojlantirish vazirligining #MITCROADMAP2018 anjumani bo`lib o`tadi.