Кўриниш
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Ҳарбий хизматга қабул қилиш жараёни соддалашади
2020-02-06 | Хавфсизлик соҳаси
Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигида Президентимизнинг 2019 йил 12 сентябрдаги “Ўзбекистон Республикаси фуқароларининг ҳарбий хизматни ўташ тартиби тўғрисидаги низомни тасдиқлаш ҳақида”ги қарори мазмун-моҳияти ва унинг ижросига бағишланган матбуот анжумани ўтказилди.
Ривожланган хорижий давлат амалиётини ўрганиш, йиллар давомида ҳарбий хизматни ўташ тартиби билан боғлиқ йўналишда вужудга келган муаммолар, тўпланган ҳаётий тажриба ва хизмат амалиётини инобатга олган ҳолда янгиланган низом лойиҳаси 80 фоизга ўзгартирилди.
Янги лойиҳа билан амалиётга пенсия ҳисоблаш вақтида ҳарбий хизматдан ташқари давлат хизматларининг бошқа турлари назарда тутилган вазирликлардаги хизмат махсус унвон берилган кундан бошлаб ҳарбий хизмат муддатига қўшиб ҳисобланиши тўғрисидаги норма киритилди. Низомнинг янги таҳрир лойиҳасида контракт бўйича ҳарбий хизматчиларни бир вазирлик тизимидан бошқа бирига ўтказиш тартиби соддалаштирилиб, номенклатура лавозимларга кирмайдиган ҳарбий хизматчиларни бошқа вазирликларга ўтказилиши вазирлик раҳбарларининг ўзаро келишуви асосида амалга оширилиш тартиби белгилаб қўйилди.
Шунингдек, вазирлик томонидан уй-жой билан таъминланмаган контракт бўйича ҳарбий хизматчиларга уларнинг аризасига биноан тақдим қилинаётган уй-жойни умумий қийматининг 25 фоиздан 50 фоизгача миқдордаги дастлабки бадал пулини давлат бюджети маблағлари ёки қонунчиликда тақиқланмаган бошқа манбалар ҳисобидан тўлаш йўли билан узоқ муддатли имтиёзли ипотека кредитини бериш тизими бўйича турар жойлар берилиши мумкинлиги тўғрисидаги янги норма киритилди.
– Низомнинг янги лойиҳасида ҳарбий-касбий танлов ўтказиш тартиб-қоидалари батафсил ёритиб берилди. Унга кўра, контракт бўйича ҳарбий хизматга қабул қилиш борасида ўтказиладиган икки босқичли танлов тадбирлари бир босқичга қисқартирилиб, фуқароларнинг тиббий кўрик ва жисмоний тайёргарлик ҳолати текшируви вазирликларнинг ҳудудий ваколатли органи саралаш комиссиялари томонидан бир марта ўтказиладиган бўлди, – дейди Мудофаа вазирлиги бош бошқарма бошлиғи Фарҳод Шерматов.
Низомнинг 15-бандида маълумот даражасидан қатъи назар, муддатли ҳарбий хизматни ўтаётган барча фуқаролар учун муддатли ҳарбий хизматнинг муддати 12 ой этиб (эски таҳрирда олий маълумотли фуқаролар учун 9 ой ) белгиланди.
Манба: ЎзА
