Жорий йилнинг 27 июнь куни Инвестициялар, саноат ва савдо вазирлигида Samsung C&T компанияси президенти ва бош ижрочи директори О Се Чол билан учрашув бўлиб ўтди.

Маълумот учун: Samsung C&T 1938 йилда ташкил этилган Жанубий Кореянинг қурилиш ва лойиҳа ишлаб чиқарувчи компаниясидир. Бугунги кунда унинг дунёнинг 44 давлатида 122 та ваколатхонаси бор.

Учрашувда томонлар жорий лойиҳаларни амалга ошириш ҳолати, энергетика ва саноат инфратузилмасини ривожлантириш бўйича ҳамкорликни йўлга қўйишнинг истиқболли йўналишлари, шунингдек, ДХШ асосида янги ташаббусларни шаклантиришни кўриб чиқдилар.

Айни пайтда компания шаҳарсозлик ва яшил энергетика соҳаларида бир қатор инфратузилмавий лойиҳаларини амалга оширишда иштирок этиш имкониятларини ўрганишга киришмоқда.

Учрашув якунлари бўйича қўшма лойиҳаларни ҳаётга татбиқ қилиш масалаларини тўлиқ ишлаб чиқиш мақсадида томонлар келгусидаги ҳамкорлик форматини белгилаб олдилар.

Манба: Ўзбекистон Республикаси инвестициялар, саноат ва савдо вазирлиги