2020 йилнинг 17 февраль куни Ўзбекистон Республикаси Ташқи ишлар вазири ўринбосари Дилшод Ахатов Корея Республикасининг Фавқулодда ва Мухтор Элчиси Кан Чжэ Квон билан учрашди.

Учрашувда олий ва бошқа даражалардаги Ўзбекистон-Жанубий Корея музокаралари доирасида эришилган келишувларни бажаришнинг бориши муҳокама қилинди ҳамда жорий йилдаги қўшма тадбирлар жадвали бўйича таклифлар кўриб чиқилди.

Томонларнинг сиёсий, савдо-иқтисодий, инвестицион, туризм, маданий-гуманитар ва бошқа жабҳалардаги ўзаро манфаатли ҳамкорлик ҳажмларини янада оширишга ҳамда муносабатларнинг шартнома-ҳуқуқий базасини мустаҳкамлашга бўлган қизиқиши тасдиқланди.

Суҳбатда минтақавий кун тартибнинг айрим масалалари бўйича ҳам фикр алмашилди.

Манба: Ўзбекистон Республикаси Ташқи ишлар вазирлиги