2020-yilning 17-fevral kuni O‘zbekiston Respublikasi Tashqi ishlar vaziri o‘rinbosari Dilshod Axatov Koreya Respublikasining Favqulodda va Muxtor Elchisi Kan Chje Kvon bilan uchrashdi.

Uchrashuvda oliy va boshqa darajalardagi O‘zbekiston-Janubiy Koreya muzokaralari doirasida erishilgan kelishuvlarni bajarishning borishi muhokama qilindi hamda joriy yildagi qo‘shma tadbirlar jadvali bo‘yicha takliflar ko‘rib chiqildi.

Tomonlarning siyosiy, savdo-iqtisodiy, investitsion, turizm, madaniy-gumanitar va boshqa jabhalardagi o‘zaro manfaatli hamkorlik hajmlarini yanada oshirishga hamda munosabatlarning shartnoma-huquqiy bazasini mustahkamlashga bo‘lgan qiziqishi tasdiqlandi.

Suhbatda mintaqaviy kun tartibning ayrim masalalari bo‘yicha ham fikr almashildi.