Жорий йилнинг 18 сентябрь куни Давлат Статистика қўмитасида Бирлашган Миллатлар Ташкилотининг Тошкентдаги Аҳолишунослик жамғармаси (UNFPA)нинг 2016-2020 йилларга мўлжалланган мамлакат дастурини баҳолаш юзасидан халқаро эксперт Элисон Кинг билан учрашув бўлиб ўтди.

Учрашувда UNFPAнинг мамлакат дастурини баҳолашда Давлат статистика қўмитаси ва БМТнинг Аҳолишунослик бўйича ваколатхонаси ўртасидаги икки томонлама ҳамкорлик масалалари муҳокама қилинди.

Давлат статистика қўмитаси вакиллари 2022 йилда Ўзбекистон Республикасида аҳолини қайта рўйхатга олишни ўтказишда UNFPA жамғармаси томонидан кўрсатиладиган ёрдам муҳим аҳамият касб этишини таъкидлади.

Томонлар ҳамкорликнинг бошқа устувор йўналишларини тўғрисида фирк билдириб, БМТ томонидан амалга оширилаётган дастурлар доирасида мулоқотни давом эттиришга умид билдирилди.

Манба: Ўзбекистон Республикаси Президенти ҳузуридаги Статистика агентлиги